【晴報專訊】薛凱琪（Fiona）日前獲成都邀請擔任「城市代言人」，同時她亦積極開拓自己的服裝品牌，藉機與當地年輕人交流，希望在內地時裝界大展拳腳。

對時裝潮流甚有觸覺的薛凱琪，將會推出自家服裝品牌。

　　Fiona獲邀出任成都的「新經濟城市品牌代言人」，大會指歌、影、視三棲的Fiona，與當地的城市發展信念非常一致，而Fiona亦表示今次責任重大︰「以前做過好多品牌代言，都係實體Product比較多，今次做城市代言人就比較虛無，可能佢哋睇中我係演員同歌手之外，仲做過美指、導演，相對上比較多元化，所以我都要做好自己，如果唔係就失禮成個城市。」

　　此外，Fiona最近積極開拓自己服裝品牌︰「可以將自己興趣變成生意，個感覺都幾幸福。今次代言其中一個理念，係鼓勵年輕人勇敢作出新嘗試，追尋自己的夢想。有機會都想同當地年輕人交流心得，傾下大茶飯！」

將興趣變成生意

薛凱琪稱未來日子會投放更多時間在內地。

　　Fiona的生意大計獲得成都方面支持，希望將文化、創意慈善和城市新經濟體融合，她說︰「搵唔搵到大錢就後話，我覺得藝術係城市發展好重要嘅元素，同時代表着無限創意同可能性。」