【晴報專訊】三月首度踏足紅館舞台的許廷鏗（Alfred），昨日在旺角舉行《許廷鏗再見智慧齒演唱會2019》記者會，大會突然安排一名巴西女郎上台，並主動向Alfred獻吻，令他尷尬得只懂傻笑。

　　Alfred受訪時表示「三魂唔見七魄」，因未試過在公開場合跟外國人有如此親密行為，他又自爆已Dry足八、九年。他說︰「本來以為呢啲行為最多留喺紅館。（現實中何時初吻？）中學同鄰校女生。喺台後我同個女仔講『Welcome to Hong Kong』，佢原來嚟自巴西。」談到「處男」問題，Alfred未有正面回應，只笑謂︰「咁我都係有人生閱歷嘅人。（好多經歷？）有啲啦。（幾時脫單？）紅館行先，要諗都四月後喇。」

　　席上，大會播放汪明荃、鄭裕玲、謝安琪（Kay）等拍片支持片段，Kay笑稱若Alfred繼續食肥膩東西，就用藤條打他。Alfred承認之前食得多，操練後已瘦了，距目標還有五磅。