14/02/2019
當選最有魅力演員 古天樂謙稱唔覺靚仔
【晴報專訊】古天樂(古仔)前晚出席「香港專業電影攝影學會31周年晚宴及頒獎禮」,他與Angelababy(楊穎)獲選「攝影師眼中最具魅力男、女演員」,但古仔笑言照鏡時不覺得自己靚仔:「其實我麻麻地鍾意照鏡。」
Baby經常為囝囝影相,相反古仔表示甚少用手機拍照。
除了古天樂與Angelababy獲獎外,電影《無雙》攝影師關智耀則被選為「年度大獎」得主。問古仔覺得自己何時最有魅力?他說:「應該係留喺屋企間房嗰陣,因為無人見到,我講乜都得。」問他照鏡時可會覺得自己靚仔?他笑說:「我麻麻地鍾意照鏡,屋企都唔多鏡,因為拍戲成日睇playback都見到自己個樣。如果照鏡嗰陣覺得自己好靚仔,咁我應該有少少精神病,要去睇醫生食藥,我講緊我自己咋!」
古仔表示演員之所以有魅力,全因整個劇組合作而成:「攝影師係好重要嘅崗位,仲有美學、打燈、角度。」問古仔與Baby可有偶像包袱?古仔幽默表示︰「無包袱,我只得行李。」身旁的Baby坦言︰「我有少少,孭住佢。」Baby透露,自從當上媽媽後愛上攝影,經常為兒子小海綿拍照:「有咗小朋友之後,多咗影相同拍片,我都想做攝影師。」
林家棟想演變性人
林家棟自嘲普通話十分爛,所以要練好語言。
另外,林家棟、余安安及胡子彤等前晚亦出席晚宴,家棟下月出發到雲南體驗生活,為新戲做足準備:「我演一個穿州過省嘅內地人,要先去當地生活一個月,模仿當地人嘅生活、形態。」他又透露姜皓文主演的《翠絲》上映後,衍生不少跨性別題材的電影:「有片商搵我做一位馬來西亞跨性別人士,係變性人,好激!我都想試下演。」
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情