26/02/2019
基仔搵森美炮製暗黑料理 粉絲︰笑到有腹肌
【晴報專訊】早前古巨基(基仔)和森美到東京拍攝網上短片《亂世兄弟旅行團》,二人在第一集於當地睇上車盤,已經很搞笑,而日前上載的第二集中,他們到便利店掃貨創作DIY暗黑料理,繼續大放笑彈。粉絲們嘲諷「美男廚房,食完入廠」;有人就大讚他們玩轉日系美食有睇頭!
基仔為宣傳歌曲《亂世情侶》及四月的紅館個唱Part 2,早前他聯同森美到東京拍攝網上節目《亂世兄弟旅行團》,並剪輯成多段短片上載到個人FB及YouTube頻道。繼上周第一擊的睇樓之旅,日前發布第二擊,原來兩兄弟到當地的便利店各自購買日系美食Crossover,自家製暗黑料理,實行挑戰對方的味蕾。
二人在日本的便利店搜羅食材,其後化身美男廚神玩轉廚房。
拒搵老婆做白老鼠
森美自創的麵包忌廉湯,睇外形已知伏味濃。
基仔與森美各自製作包括前菜、主菜及甜品等三道DIY美食,基仔發揮小宇宙,炮製粟米湯點心麵、溫泉蛋麻婆豆腐飯及菠蘿包夾雪糕等,雖然森美試食後大讚味道正常,但基仔卻說︰「如果畀佢(老婆Lorraine)食,我會無咗個老婆!」
基仔硬著頭皮試食森美的加料咖喱杯麵,一臉慘樣,令人笑爆嘴。
另一邊廂,森美則以朱古力香梅芝士凍、布甸溝咖喱杯麵配多春魚等「地獄料理」迎戰,基仔試食時面容扭曲,隔住mon都睇到係勁難入口。短片在YouTube上載五日已錄得近十萬點擊率,不少樂迷戲言二人炮製的「劣食」過程正到爆;有人亦讚基仔交足戲,鼓勵他們多拍旅行片。森美也在FB轉載短片,並留言︰「呢集有啲失控,我發揮創意去造美食,點會唔好食!」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇