【晴報專訊】何超蓮昨日型格打扮出席化粧品牌活動，提到其索爆家姐何超雲剛度過30歲生日，超蓮大讚家姐勇於公開真實年齡，更大讚家姐樣貌年輕又追求者眾，絕對是唔憂嫁。

超蓮自言喜歡穿黑絲，因為充滿女人味。

　　何超蓮昨日以黑色低胸裝出席活動，輕露事業線，她笑言不擔心媽媽責罵：「我覺得唔算低胸，依家出門前衣著都唔使畀媽咪過目，平時都成日同媽咪交換衫著。」提到家姐何超雲前日30歲生日，超蓮踢爆對方要求紅雞蛋做生日禮物：「好好笑，佢想要一隻紅雞蛋，但媽咪唔識整，就烚咗隻蛋。佢收到好多花同禮物，屋企成個花海咁。」

　　提到超雲已單身一段時間，問超蓮可知送花人是否家姐的追求者？她笑說：「唔知喎，你哋問番佢，佢咁靚女，一定追求者眾，不過我哋好少傾感情事。」她又大讚超雲在IG公開自己真實年齡：「我覺得佢好有勇氣，夠膽公開自己年齡，我一定會寫細十年，其實之前玩10 years challenge我都放張九歲嘅相，好唔要面，依家開始我會話自己得19歲。」

深閨似媽咪

超雲生日狂收花。

　　問到超雲的生日願望，超蓮表示家姐目前以工作為主，不會心急結婚：「佢同我一樣，都唔係向結婚方向行。（超雲近年少露面？）家姐比較低調，好深閨，可能年紀漸大，思想都有改變，最重要係佢覺得舒服。佢文靜似媽咪，我就活潑啲似爹哋。」她力撐超雲不用太快嫁人：「緣份遇到就遇到，佢都唔憂嫁，呢個年代唔會話29+1就要結婚，大家都遲婚！」