【晴報專訊】《第25屆香港電影評論學會大獎頒獎典禮》昨日假香港電影資料館舉行，劉德華擔任嘉賓，頒發最佳男主角獎予黃秋生。華仔表示希望與黃秋生再合作，提到對方因失去內地市場被壓價，華仔表示曾考慮開戲給對方。

華仔昨日以新戲《拆彈專家2》的鬚根造型現身。

　　大會昨日頒發五個獎項，包括︰最佳電影《三夫》、最佳導演陳果（《三夫》）、最佳男演員黃秋生（《淪落人》）、最佳女演員曾美慧孜（《三夫》）及最佳編劇陳小娟（《淪落人》）。另外學會推薦電影《淪落人》、《G殺》、《水底行走的人》、《自由行》及《無雙》。

《淪落人》秋生獲影帝外，陳小娟亦奪得「最佳編劇」。

　　劉德華昨日以頒獎嘉賓身份出席，提到黃秋生獲頒影帝，華仔大讚對方向來在頒獎禮命中率甚高，幾乎每次提名都有獎。秋生早前表示，因自己入不到內地市場，所以不時遭人壓價，於是他索性不接拍，除非朋友要求才考慮。華仔笑說：「秋生未接過我嘅戲喎！有機會我都想同佢合作，入唔到（內地市場）咪拍香港電影，收平啲（片酬）囉！（你壓佢價？）唔係，以香港演員最高價錢去請佢嘛。」

期待明年角逐影帝

　　提到下月舉行的金像獎，華仔也有留意今屆候選名單，認為影帝爭持激烈：「除咗黑哥（姜皓文）係新提名，全部加埋好多屆影帝。（欠你一個？）唉！自己跌一跌，邊有戲，出年嚟過啦。」

　　秋生得悉華仔表示想合作，他笑說：「佢係我好好朋友，亦係唯一一個可以整喊我嘅人。事緣新年前劇團有嘢搵佢，佢好快覆我信息話『每日鬧鐘叫醒我，令我向前行就係夢想，兄弟，我哋一齊繼續努力。』睇完呢句我即刻爆喊，佢好易令你進入感動位，係天生，我就係嗰種好易令人打兩巴嘅人，哈哈！」