【晴報專訊】楊紫瓊前晚在港出席愛滋病研究基金會慈善晚宴，提到其法籍老公Jean Todt，她笑言與老公各有各忙，經常分隔兩地，幸好堅持每日講五次電話維繫感情。

楊紫瓊表示丈夫公幹行程緊密，比她拍戲更辛苦。

　　不少城中明星名人前晚出席慈善晚宴，包括劉嘉玲、關之琳、美國歌手Pharrell Williams、甄子丹與太太汪詩詩、張藝興、韓星河智苑及崔振赫等。楊紫瓊與前夫潘迪生女兒潘楚穎同場現身，楊紫瓊表示今次丈夫沒有同行：「佢喺海南島處理緊Formula E（電動方程式賽車）活動，跟住我同佢約咗倫敦見，一齊做推廣道路安全嘅活動。」

　　楊紫瓊剛完成西片《Last Christmas》拍攝，現時會好好休息：「我之前拍《Star Trek》拍到好攰，中醫叫我多啲休息保養下，希望呢個月唔拍嘢。」她笑言會留在家中休息，問她可會做「跟得夫人」？她笑說：「會呀，如果唔係無得見面，佢（老公）又成日飛嚟飛去，上年我拍劇嗰陣，我哋試過成個月無見。不過我哋無FaceTime，日日打電話，一日起碼五次，起身同臨瞓都講電話，保持聯絡。」問她平日會否為老公下廚？她笑說：「我唔會，我哋多數出去搵好嘢食。佢真係好忙，不過佢咁認真工作，我都好為佢驕傲。」

蘇永康：有阿姐無人敢遲

蘇永康大讚太太性感誘人。

　　同場的蘇永康與太太現身，蘇太十分性感，蘇永康笑住反問說︰「得唔得？我一定話得啦，佢一向著衫都有自己風格，我哋喺衣著上都有相同興趣。」提到與汪明荃（阿姐）合作主持節目《娛樂大家》，蘇永康說：「阿姐成日問我著咩色，因為佢怕撞色，今次合作好順利，同阿姐合作我無見過人遲到，阿姐話約三點，兩點九全部人都企晒喺度。」

河智苑來港出席晚宴，更會留港享受地道美食。