01/04/2019
公大分享會被學生玩手機辣㷫 Eason剖白︰發脾氣好唔開心
【晴報專訊】陳奕迅(Eason)近日走訪多間大專院校出席分享會,日前他在公開大學的分享會上怒轟台下學生只顧玩手機,令他感到不受尊重;有傳自稱身處現場的內地碩士生發文批評Eason拒講普通話兼內容沉悶。Eason其後回應事件時,自言發脾氣也不好受。很多粉絲撑偶像發火有理;有人則認為他欠缺EQ!
早前Eason率領恭碩良、張傑邦等The Duo Band成員先後到公開大學、理大、城大等出席「L.O.V.E. in F.R.A.M.E.S.大專巡迴分享會」。上周三晚在公大一站,Eason見到有學生玩手機不尊重台上嘉賓,忽然發火向無意交流的同學下逐客令,事件經網上發酵後花生味濃。
陳奕迅上周三出席公大分享會,卻鬧至不歡而散,更取消與學生的大合照環節。
上周五,Eason轉戰第十站城大時,已回復靚爆心情,並於台上主動回帶。他自認在公開大學的分享會上見到有人玩手機、睇戲,感覺礙眼,強調自己是認真講Talk︰「其實唔係幾好受!發脾氣會好唔開心,搞到咁尷尬又影響其他人,我唔想make a scene(大吵大鬧),結果都make a scene,整件事唔係想教育任何人。」
秋生中基齊勸勿上心
網友對此事連日來仍然議論紛紛,有人力挺Eason堅持互相尊重,爆Seed有理;有人卻指他在台上開咪叫學生離場,不夠莊重。
Eason(右三)上周五亮相城大分享會時,已回復「吹神」本色,講到超時兩粒鐘。
此外,多位藝人日前現身活動亦談及此事,黃秋生直言若碰上Eason的情況,會用手機玩埋一份,大家鬥玩一小時,又戲言不用太勞氣。至於上周五到港大參與另一講座的鄭中基,亦認為不必太上心,他說︰「可能人哋家中剛巧有急事。我唔信Eason平時開會無玩手機,這個年代唔算好大件事!」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇