03/04/2019
客串《法證先鋒IV》 四哥利市當報酬︰留嚟陪葬
【晴報專訊】謝賢(四哥)前晚出席新劇《法證先鋒IV》煞科宴,四哥自言今次只是客串性質,所以自己只象徵式收一封利市作酬勞,鬼馬的他更講笑指利市會留來陪葬,認真百無禁忌。
四哥有黃心穎及陳煒兩美相伴,表現得十分開心。
有份演出《法證先鋒IV》的陳煒前晚設宴15席慰勞劇組台前幕後,謝賢、鮑起靜、譚俊彥、黃浩然、黃心穎及張文慈等齊齊出席。現年82歲的四哥一到場便笑說︰「呢套劇叫咩名?哈哈!」他自嘲無記性,加上劇集在半年前拍攝,所以早已忘記劇中角色及對手。他笑說︰「我只記得係同靚女一齊拍劇。(有否收片酬?)呢個我記得,我只收咗封利市,我都未拆,留嚟將來陪葬!」問他可有戲癮繼續拍?他說︰「我15歲開始拍戲,電影養大我全家,只係近年市道差,如果有得拍戲畀我『玩下』已經好開心。」
譚俊彥在新劇與陳煒有感情線。
會否與謝霆鋒父子檔演出?四哥說︰「梗係唔制,佢搶晒我鏡,我乜都輸晒畀佢。」提到有否探望兩位孫兒?他表示每個月最少見一次,但他講笑稱已記不起孫仔的名字。問他可有見過張栢芝的第三位囝囝?他只說︰「唔知,都唔關我哋事!」
黃心穎度假飛甩馬明
陳煒前晚豪花五位數字宴請劇組,她表示台前幕後拍劇半年,已猶如一家人,所以設宴答謝大家辛勞。她笑言拍《法證IV》已比《宮心計2深宮計》舒服得多︰「因為呢套係時裝劇,我有少少動作戲,有場被賊人挾持嗰陣刮傷下巴,同埋扭親手指尾。」
同場的黃心穎拍完《法證IV》後,要待七月才再拍劇,期間會孖黎諾懿去馬來西亞拍攝旅遊節目。她自言想到歐洲或北美旅行,希望與三家姐同遊。提到男友馬國明投訴被心穎飛甩,她笑說︰「好難等馬明呀,佢拍劇拍到天昏地暗,好難夾時間,到時先算啦。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇