【晴報專訊】劇集《鐵探》日前播出袁偉豪（Ben）被子彈擊中頭部一幕，隨即成為觀眾熱話。然而曝光率高的他，再次招惹是非，有粉絲指他答應合照後即變臉，Ben深感無奈，期望網民不再批評他的人格。

袁偉豪經常在網上有碗話碗，有時會惹來隔空罵戰。

　　一眾《鐵探》演員包括惠英紅、袁偉豪、蔡思貝、王君馨及楊明等，昨午出席商場活動為劇集造勢。袁偉豪近日負評纏身，問他可會為自己平反？Ben解釋︰「可能當日太攰，影完相個表情有少少變，加上環境有啲混亂，所以快快影完即刻離開。好多唔識嘅人去斷定自己人格，其實唔係大不了嘅事。」Ben強調已收到該名粉絲私訊道歉，說已清楚了解事件。

袁偉豪即場挑戰單手掌上壓。

　　Ben自言EQ也有高低，當心情不好，見到負評的確內心很不舒服，「有人唔鍾意自己，都無辦法。爸爸都過埋身，（過身後）第三日已經開工啦，一小撮人唔鍾意咪唔好睇囉，喜歡工作就係有家人同觀眾支持，總之生活都係咁過。」Ben坦言不希望再提升負能量。

蔡思貝令人改觀

蔡思貝以大露背裝示人，充滿夏日氣息。

　　蔡思貝同樣因為《鐵探》改變了觀眾對她的睇法，思貝說︰「我都收到網民私訊，為之前鬧我講聲對唔住。今次證明努力係有人睇到嘅，令我感受好深。（要為自己平反？）又唔使，我會繼續向目標進發，希望多啲人睇到我進步。」

惠英紅盼收視再升，不介意「快閃」笠絲襪扮安全套影相。

　　《鐵探》首播有29.5點收視，成績非常標青。惠英紅笑言如果收視達33點，一眾男演員齊齊露半股。她笑說︰「有嫩股、有老股、亦有穩陣股，我就負責點評，睇下邊隻股夠韌力。」問Ben是否接受挑戰？他笑謂︰「我係港男出身，細細條泳褲都著過啦。」身旁的思貝即笑指Ben出過寫真集，全身早已被人看過，他聞言即嘆謂︰「呢行啖飯好難食㗎！」

鄧佩儀和張寶兒玩爆氣球，Ben竟出術用針拮爆波，令女友寶兒獲勝。