• |
  • 極速報價
  • |
  • 會員
  • 產品服務 / 串流版
  • 設定

16/04/2019

拍戲繼續零片酬? 出爐影帝秋生︰大吉利市

  • 加入最愛專欄
  • 收藏文章

  【晴報專訊】《第38屆香港電影金像獎頒獎典禮》前晚圓滿結束,黃秋生憑《淪落人》以大熱姿態封帝,三度封帝的秋生自言似「洛奇」般得到最後勝利。但不收片酬拍《淪落人》的他坦言要開飯,希望電影票房創佳績,才能人人有錢分。

 

秋生希望政府多撥款支持香港電影。

 

  黃秋生前晚在慶功宴上表現興奮,提到今次第三度封金像影帝,他笑說︰「開心到不得了,原來有咁多人支持我,平時唔出街以為無乜朋友,我覺得自己好似《洛奇》個Rocky咁,最後勝利。不過做人要謙厚啲,我依然如履薄冰,要多謝所有人嘅幫助。」秋生不收片酬拍《淪落人》,日後會否繼續零片酬?他即說︰「我大吉利市過你!我希望個個都有錢收,個個發財,啱啱先多謝政府支持拍戲,不過一套戲得300萬(資助)真係唔夠,我都未出糧,希望《淪落人》票房好啲,分番少少。」

 

  今次雖然無錢收但有獎座?秋生指零片酬最好無下次︰「不如賣個獎畀你啦,最緊要食飯,我又唔係要求高,又唔係要揸靚車。」有指劉德華說笑指能勝任秋生的角色,秋生笑說︰「佢做到咁我撈咩呀?不如叫佢開套《聯絡人》畀我啦!」

 

  另外,前晚秋生獲獎後,有部分內地傳媒「河蟹」他封帝的消息。秋生只在FB發表得獎感言說︰「我想話比(畀)大家知,只要不放棄,唔好將心力放喺D(啲)無謂人,無謂事上面。爭取時間增長自己。終有一日可以企番起身。」

 

曾美慧孜拗腰咀獎座

 

曾美慧孜希望跟媽媽吃點心慶祝封后。

 

  同場的曾美慧孜(小美)憑《三夫》首奪金像影后,連同之前勇奪電影評論學會、導演會、編劇會的女主角獎,成為四料影后。心情激動的小美擺出高難度甫士拍照,她笑說︰「心情仍未平復,剛才在台上好激動,腦內一片空白,說了甚麼都不記得,原本準備的講稿辭也忘記了。」她透露由上台領獎到返回後台都一直腳震,又忍不住哭︰「實在太沒出色,比拍戲時更加緊張。我覺得自己未夠好,要繼續訓練。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生