【晴報專訊】袁詠儀（靚靚）、郭富城及丁子高昨日到尖沙咀出席化妝品牌活動，提到「安心偷食」事件全城哄動，靚靚自言是許志安與鄭秀文的好友，所以不欲多談。會否擔心丈夫張智霖飛來艷福，靚靚表示難以控制，所以不時充實自己，時刻都要自強。

靚靚取笑老公張智霖愈來愈肥。

　　袁詠儀昨日以黑色貼身喱士長裙造型現身，提到老公張智霖（Chilam）近日似乎心廣體胖，靚靚忍不住揶揄說︰「佢身形步向多啦A夢，我仲係香港小姐。佢成日話減肥，但又唔郁，影響埋我㗎嘛，佢真係無乜自制能力，佢健康已經麻麻，最少要減20磅啦。」

　　昨日許志安與黃心穎被爆在車廂攬啜，靚靚只小心說︰「人哋嘅事唔想講，兩個（安仔和Sammi）都係我朋友，係朋友呢個時候就收聲！」可擔心老公身邊出現飛來蜢？她說︰「唔止娛樂圈有，唔係(目及)住就有用，要充實自己、做好自己，任何時刻都要自強。」提到「安心偷食」，她只說︰「我睇咗少少片，我同Sammi熟啲，內心都有少少擔心。」

城城爆女兒愛搽唇膏

丁子高強調不清楚「安心」的關係。

　　同場的丁子高被指與安仔及心穎在事件當晚一同出席飯局，丁子高說︰「嗰日係朋友生日飯局，我無乜回應，唔係成日見到佢哋。」心穎何時加入他們聚會？他說︰「唔清楚，我同心穎唔熟。」

郭富城笑言有20多年護膚經驗。

　　另外，郭富城昨日分享護膚心得，提到女兒可有偷用太太方媛的化妝品？城城笑說︰「囡囡最鍾意用太太支唇膏，仲有用粉撲搽面，又用手袋仔。」