【晴報專訊】「安心出軌」事件成為城中熱話，身為靚仔人夫的周柏豪昨日出席活動時，自認定力十足，就算有異性埋身，也絕對不為所動。

周柏豪自言婚後立刻打HPV預防針，認為是保護另一半的表現。

　　周柏豪昨天以HPV健康教育大使身份出席活動，柏豪表示將於六月在會展舉行音樂會，屆時會與觀眾近距離接觸。取笑他不會與女觀眾握手？他笑說︰「咁同BB仔握手！到時我想嘗試做一啲喺紅館做唔到嘅事。」問他婚後會否壓力更大？他說︰「唔會，慶幸太太一直喺工作上同心靈上都為我分擔，我都提醒自己檢點啲，盡量同太太交代一聲，例如拍親熱戲，事前一定同太太講清楚。（身邊有無飛來蜢？）又唔覺，可能有。（夠定力？）我玩運動嘅，好堅持信念。」

　　柏豪自言甚少出席應酬飯局︰「就算去，逗留幾耐就睇下自己有幾肚餓。入行初期以為成日有應酬，可以慳番餐，點知餐餐自己畀錢！」他稍後會拍攝新劇，有指對手有馬國明及黃心穎？他只說︰「聽聞有馬明，但未落實。」