• |
  • 極速報價
  • |
  • 會員
  • 產品服務 / 串流版
  • 設定

23/04/2019

陳凱琳搵戒夜奶良方

  • 加入最愛專欄
  • 收藏文章

  【晴報專訊】陳展鵬太太單文柔日前誕下女兒「小豬比」,一家三口超幸福。而陳凱琳(Grace)兒子鄭承悅目前已兩個多月大,Grace開始適應做媽媽,老公鄭嘉穎亦有幫手湊B,但她最想囝囝戒掉半夜喝奶的習慣。

 

Grace笑言在活動上可請教現場媽咪育兒心得。

 

  陳凱琳、梁嘉琪及霍啟剛等,昨日在金鐘海濱長廊參與TVB《Think Big共童跳》活動。擔任活動大使兼嘉賓主持的Grace,產後已明顯收身,她近日在活動上頻頻分享湊B趣事,問到現在湊B是否很熟手?Grace笑言︰「依家已經有經驗,知道佢點樣喊係代表想換尿片,或者肚餓,現時最想幫囝囝戒夜奶,朋友教我同佢講:『夜晚唔好飲奶奶呀!』如果佢真係識聽就好喇。」

 

霍啟剛兩父子跳布袋非常合拍。

 

自稱烏龍媽咪

 

  Grace解釋現階段每晚起床餵兩次奶,雖然睡前會揼奶,嘉穎亦會幫手餵,但她還是不放心,會自動自覺醒來親自餵奶,幸好有老公幫手,她直言未算辛苦。此外,Grace又自爆是個烏龍媽咪,試過出街發現BB紗巾仍放在衫袋內,嘉穎亦試過將紗巾放在肩膊,但放低囝囝睡覺後竟忘記拿走紗巾。

 

梁嘉琪日前紅雨出街非常狼狽,返屋企又遇上停電,十分黑仔。

 

  同場的梁嘉琪被問到《學是學非》舊拍檔黃心穎被公司雪藏一事,她答得小心翼翼︰「呢段時間,應該畀當事人處理好自己情緒會好啲,我祝福大家可以回復正常生活。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生