【晴報專訊】由劉德華、劉青雲、吳卓羲及黃德斌等主演的《拆彈專家2》，前晚在尖沙咀舉行煞科宴。華仔坦言今集拍得比上一集辛苦，可能曾因墮馬受傷，即使傷癒後拍動作戲，體能仍不復當年，他又大讚青雲體能更佳。

劉德華與劉青雲大讚《拆彈專家2》劇組安排妥善。

　　劉德華與劉青雲大讚《拆彈專家2》拍攝進度十分暢順，青雲說︰「拍嗰陣一啲都唔辛苦，因為導演同劇組安排得好好，一到片場好快有得埋位，收工都好準時。」反而華仔坦言今集拍得較第一集辛苦︰「可能拍第一集嗰陣未受傷，今次有啲位我都就住就住，亦證明青雲體能好過我。好似跑跑跳跳嘅動作咁，我都無兩年前咁大膽。」

　　華仔與青雲相隔十幾年再度合作，兩人笑言合作愉快，又異口同聲指沒想過不少動作戲可極速拍完。華仔說︰「我以為用直升機吊起van仔嘅鏡頭要用四日完成，點知一日就拍完，好多危險場面係我哋未準備好已經拍完，係意料之外。」

　　青雲聞言，笑指拍得暢順與導演邱禮濤的表達能力有關︰「有場戲係直升機吊起我哋架車，導演同我哋講係咁易吊高我哋一個車位，點知正式拍，一下就吊到七樓咁高，未開始驚就已經拍完。」

叫黃秋生請食飯

華仔、導演邱禮濤與青雲在活動上合力拆「炸彈」。

　　拍完《拆彈專家2》後，青雲計劃與太太郭藹明去外地度假︰「我好似好遊手好閒。」而華仔九月會去星馬巡迴開騷，之前會投入綵排。另外，提到黃秋生早前在意大利獲頒「傑出成就金桑獎」，問他們會否請秋生食飯慶祝？青雲笑說︰「同秋生食飯？應該佢請我哋食飯！」華仔則說︰「我哋一路好支持佢，好戥佢開心。」提到秋生考慮日後接戲時以分紅代替收片酬，青雲表示人人選擇不同︰「我鍾意簡單清楚啲，拎咗錢就走，唔理咁多。」