• |
  • 極速報價
  • |
  • 會員
  • 產品服務 / 串流版
  • 設定

28/05/2019

老婆來港秘密捧場 林宥嘉︰想畀佢睇到最靚嘅我

  • 加入最愛專欄
  • 收藏文章

  【晴報專訊】林宥嘉(Yoga)一連三場《idol世界巡迴演唱會香港站》前晚在紅館舉行尾場,獲容祖兒、謝安琪等圈中人捧場外,原來Yoga太太丁文琪亦秘密入場撐老公,令Yoga相當驚喜︰「我事前唔知,佢嚟到我會多啲動力。」

 

林宥嘉希望觀眾感受原裝版本個唱,所以全晚只唱一首廣東歌。

 

  林宥嘉前晚在台上全程主要以廣東話與觀眾互動,他以鋼琴自彈自唱時,提議觀眾開手機燈製造燈海,他笑說︰「唔識開燈嘅,隔籬嘅朋友『膠膠』(教教)佢。」令全場爆笑。Yoga獻唱《走鋼索的人》時,一度感觸落淚,有歌迷叫他「不要難過」,他即鬼馬說︰「我沒有很難過,只是覺得自己唱歌的聲音很好聽。」他走到台下握手時,歌迷不但表現熱情,攬攬偶像兼摸面,亦有歌迷送上公仔,Yoga即將公仔塞入自己穿著的斗蓬,再擲回觀眾席,個唱在兩次encore後順利結束。

 

謝安琪單拖捧場。

 

  Yoga在慶功宴上笑言非常眼瞓︰「我怕講錯嘢,你哋唔好問我太難嘅問題。」提到他的廣東話進步神速,他笑說︰「因為個腦開發咗,同埋身邊好多同事都係香港人,佢哋成日講廣東話。(跟兒子講廣東話?)無試過,因為佢未識講嘢,但好似聽得明我講咁,佢好鍾意跳舞,我喺屋企隨便唱,佢就會郁來郁去。」

 

期望挑戰更多場次

 

林宥嘉前晚落力演出,自彈自唱。

 

  提到太太丁文琪驚喜捧場,Yoga開心說︰「其實我唔知㗎,佢令我有更多動力,我想畀佢睇到最靚嘅我。因為我平時喺屋企好『烏搲』,太太成日話我喺出面就扮靚仔,喺屋企就咁『烏搲』。」另外,提到三場騷歌迷反應熱烈,他表示主辦單位希望他下次挑戰更多場次︰「我聽到即刻起雞皮,因為每場演出我都會用盡energy,但有機會應該試下,好嘅歌手應該有幾多歌迷就開幾多場。」笑指他開騷可開足一個月,他即搞笑說︰「我有咁多歌迷咩?」稍後他往內地、澳洲等地開騷。

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生