【晴報專訊】唐詩詠早前捲入「酒店密會」風波，事緣網絡作家葉朗程po相及撰文，表示與一位金牛座女子到酒店房慶生，由於相中人的背部、衣著及現場環境與詩詠上載的生日照極似，令人質疑正是詩詠本人。前晚詩詠強調絕非該「金牛座女子」，亦不認識葉朗程。

月初生日的詩詠表示押後到下月才慶生。

　　唐詩詠前晚與陳展鵬、陳山聰等出席新劇《唐人街》飯局，屬金牛座的詩詠否認是酒店「爆房」女主角︰「好多人問過我，但唔關我事，唔係事實唔回應。對我嚟講只係一篇文章，張相係之前同朋友食飯影，我自己都無嗰張相，但有朋友放上網，被網上文章拎嚟用。」她承認有跟相中一樣的裙子，亦曾穿這條裙和友人食飯，但強調絕對無「爆房」一事。

陳思銘被傳是葉朗程真身。

　　有傳葉朗程的真正身份，正是詩詠的緋聞男友陳思銘（Samuel），詩詠說︰「大家有好多幻想空間，我無朋友講過係呢位作家，我亦無問Samuel，如果佢或其他朋友放相上網，一定會嬲死！」她表示葉朗程已回應事件，自己亦不認識對方。

陳展鵬爭住換尿片

陳展鵬笑言幫女兒沖涼、換片十分熟手。

　　同場的陳展鵬表示尚有兩、三天戲份，完成後便可專心湊女。他笑說︰「我等咗好耐，呢兩個月開工，收工返屋企會偷望囡囡。」他笑指每天回家的感覺像入ICU（深切治療部）︰「入門口第一時間洗手消毒、沖涼、換衫，有時都有同老婆（單文柔）爭住幫囡囡換片。」