【晴報專訊】劇集《白色強人》下周一首播，前晚在九展舉行首映禮，劇中演員包括郭晉安、馬國明、唐詩詠、李佳芯及張曦雯等齊齊出席。自「安心事件」後首次出席公開宣傳活動的馬明，對於黃心穎的近況，他繼續封口，但就希望大家對她手下留情。

馬明預計為劇集出席五次宣傳活動，故期間未必外遊。

　　已一段時間沒有新劇推出的馬國明，未來日子將投入《白》劇宣傳工作，他說︰「《降魔的2.0》我嘅戲份已經拍晒，胡鴻鈞可能要補拍同我做對手戲嘅大頭鏡，佢應該仲有動作場面要拍。」胡鴻鈞日前已經出院回家休養，馬明表示曾探望對方，見他很正常，只是有時比較疲倦，馬明笑言︰「佢嘅思維好清晰，知道佢打算好番晒就專注搞音樂。」而馬明暫時是半放假狀態，會返內地及在香港搵真銀。

黃心穎至今未有再在社交網活躍。

　　問到「安心事件」對他的工作可有影響？馬明坦言︰「不嬲OK，（有無聯絡心穎？）唔講喇！（有報道話佢被公司追討因停工損失嘅金錢，仲可能要申請破產？）公司已經講咗，而我係唔知。」他又說已投入工作，希望大家對他和心穎手下留情。

詩詠稱《白色強人》有美劇feel

唐詩詠對新劇的收視及口碑都有信心。

　　穿上喱士長裙、梳了貼服髮型的唐詩詠，行路時一步一驚心，十足機械人般。她表示裙子太長，所以穿著五吋高踭鞋，但擔心自己論盡踩到裙尾仆倒，所以要慢慢行，頭也不敢有太大郁動。

　　劇中她飾演馬明的前妻，李佳芯（Ali）介入她和馬明之間的感情，不過詩詠表示與Ali都知道彼此的存在，是成熟處理這段關係。她和馬明私下很熟絡，所以拍攝對手戲時很快投入。談到該劇以政治及醫療制度為骨幹，是非一般「師奶劇」，可擔心流失一班常規觀眾？詩詠認為每個劇種都有不同的觀眾，加上內容比較多貼身問題，希望大家畀少少時間支持這套劇，她又盛讚《白》劇拍出美劇的感覺，雖然美劇和韓劇早年已拍過同類題材，但詩詠說有心不怕遲。