• |
  • 極速報價
  • |
  • 會員
  • 產品服務 / 串流版
  • 設定

14/06/2019

薛凱琪 X Dear Jane 相隔十年同台再「扭」

  • 加入最愛專欄
  • 收藏文章

  【晴報專訊】薛凱琪(Fiona)和樂隊Dear Jane將於8月6日假會展舉行一場《On the Rocks》音樂會,相隔近十年後再度同台演出,Fiona希望藉著自己一些少女情懷的歌曲,將Dear Jane鐵漢柔情的一面展現給觀眾,相信樂迷定必引頸以待。

 

薛凱琪

 

  Fiona和Dear Jane四子同樣是03年出道的樂壇新人,正所謂十年人事幾番新,但五人唯一沒變的,就是對音樂的執著和熱誠,Fiona表示︰「我哋十年前做過一個騷,十年後會有另外一把火出來。」Dear Jane續稱︰「大家呢十年都有好多唔同作品,所以想有更多合唱,撞多啲火花出來。」Fiona盛讚Dear Jane近年玩音樂好玩又夠放,當得悉可以和他們同台演出時,感到既興奮又期待,她說︰「可以唱一啲我平時一個人開騷唱唔到嘅歌,例如將我一啲耳熟能詳嘅歌,變得歇斯底里,或者更加強化感覺的一個版本,如果我一個人開騷時成晚都係咁樣(唱法),大家會覺得好奇怪。」

 

Fiona經常身穿自家的服裝品牌上載到社交網做「生招牌」。

 

夠癲才有火花

 

Fiona(中)和Dear Jane都十分期望互唱對方的歌。

 

  相隔這麼久再合作,難得眾人默契依舊,Fiona笑指喜歡和比較癲的人合作,因為當大家都害羞時,就不會擦出火花。而音樂會上,少不免會互唱對方的歌,當中包括Fiona的首本名曲《奇洛李維斯回信》,Fiona表示︰「我好想提議佢哋唱我啲少女情懷嘅歌,因為男人都有一個少女心,都有柔情嘅一面,希望呢個騷可以show到佢哋嘅柔情,同埋我唱《886》時,好想佢哋同我一齊扭腰,因為我永遠都缺少一個人同我一齊扭。」

 

音樂會海報曝光,Fiona的中性打扮有型有款。

 

  Dear Jane主音Tim(黃天翱)即笑言︰「依家唔識扭,可能到時會學識。」Dear Jane經常創作歌曲予其他歌手,就連Fiona都恨他們寫歌給自己,她笑言︰「大家咁好朋友,寫番十隻八隻歌畀我,或者喺台上表演寫歌畀我唱。」Dear Jane聞言笑說︰「嘩,仲要即興呀?」

 

Fiona早前與何超蓮及王灝兒上無綫節目《娛樂大家》時變了「髮花癲」。

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生