• |
  • 極速報價
  • |
  • 會員
  • 產品服務 / 串流版
  • 設定

21/06/2019

惠英紅自爆 有認知障礙風險

  • 加入最愛專欄
  • 收藏文章

  【晴報專訊】惠英紅昨日出席保險活動,除即場進行視網膜分析外,亦談到其亡母生前患有認知障礙症,分享了當時如何照顧媽媽。最近惠英紅接受檢查,發覺認知評估數據出現踩界情況,她沒有不開心,反而自嘲可能感情生活枯燥所致。

 

惠英紅表示會做多些刺激腦部的活動。

 

  惠英紅憶述當年為照顧媽媽,不惜全屋添置醫療設備,媽媽偶爾狂躁,又引來鄰居報警。至於她是否出現認知障礙症的先兆?惠英紅坦言︰「我都60歲啦,check到屬中度風險,呢個年紀嚟講係屬於正常衰退,其實以前我都開始做一啲未試過嘅嘢,例如畫畫、音樂,又有段時間去學英文,刺激腦皮層組織,原來有好大幫助。(拍拖會唔會好啲?)哈哈,可能因為dry咗咁多年先出現認知障礙,我會努力啲,大家幫下我啦。」

 

惠英紅在電影《幸運是我》中正是飾演患上認知障礙的老人。

 

  紅姐自言社交圈子很細,又不喜歡搞三搞四,也不會主動結識新朋友,從小到大桃花不多,就算有都是事業上的桃花,有人提議她將兩者平衡,紅姐笑言︰「唔輪到我話事!女人始終要有矜持,我從來都唔係豪放女,又唔會向男人放電。(演戲又得?)咁有人工㗎嘛。」

 

怕男人心口有毛

 

  她又稱本身有三百幾度近視,由於有乾眼症關係,所以一直沒有戴隱形眼鏡,戴有框眼鏡又嫌鼻樑上留印不好看,笑言所以一直矇查查,就算有靚仔都看不到,她說︰「我最怕男人有鬚,同埋心口有毛,接受唔到!」

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生