【晴報專訊】馬國明與黃心穎自從「安心出軌」事件後，似乎已經分手，但近日有傳馬明不敵心穎的短訊攻勢，心軟之下決定遠赴美國見女方。昨日馬明宣傳新劇《白色強人》，不願多談會否跟心穎見面，又強調自己不心急再拍拖。

 馬明在《白色強人》中的醫生造型，獲唐詩詠大讚有型靚仔。

　　馬國明、唐詩詠、馮盈盈與何廣沛等昨日到長沙灣出席宣傳活動，馬明女友黃心穎自從四月被揭與許志安在車廂出軌後，已即時停工兼避走美國。昨日有報道指身在美國的心穎，不停狂send短訊給馬明，又發動視像通話攻勢，成功係掂馬明計劃飛美國見面。昨日馬明提到此事即落閘說：「唔講啦，過咗咁耐嘅事。」

　　另外，有傳無綫有意安排馬明與舊愛胡定欣拍劇，乘機撮合二人。馬明只表示未收到通知，一切有待公司安排。他說：「就算合作都唔介意，定欣係一個好好嘅對手。（公司緊張幫你搵女友？）之前又話好多女同事排隊，其實我唔急，隨緣啦，阿媽就急啲，話要買大啲嘅屋，不過唔係想住多個人，只想住得舒服啲。」身旁的唐詩詠笑言同樣要排隊等馬明。

馮盈盈險燒毀新居

馮盈盈作狀強吻戲中男友何廣沛，可惜男方一臉嫌棄。

　　同場的馮盈盈最近與醫生男友「寶寶」入住何文田新居，正式開始同居生活。不過盈盈自爆擺烏龍忘記關煤氣掣，新居漏煤氣足足四日才發現，差點引發爆炸燒毀新居。她笑說：「我一直以為係裝修味，我仲點咗香薰蠟燭辟味，結果係媽咪上嚟我屋企，先發現漏煤氣，好彩有打開窗咋！」她表示一定會購買家居保險。

　　盈盈又笑指做家務相當辛苦：「收工返屋企仲要做家務，真係無覺好瞓。入伙之前寶寶誇下海口話會做晒啲家務，點知入伙後佢話要訓練我自主獨立，於是畀晒我做！」