25/07/2019
受吳少芳啟發 Sammi︰佢充滿正能量
【晴報專訊】鄭秀文(Sammi)前晚在紅館舉行第十場演唱會,並邀請了前女子組合Face To Face成員吳少芳(Jodi)做嘉賓,Jodi與Sammi曾經參加同一屆新秀歌唱大賽,但Jodi不幸在92年遇上交通意外致四肢癱瘓,現時只有左手手指可以輕微郁動,兩人在台上的互動,感動了全場觀眾。
Sammi表示在Jodi身上看到永不放棄精神及充滿正能量。
Sammi介紹吳少芳出場前表示,希望這次演唱會能賦予更多愛的意義,Sammi︰「我打電話邀請佢時,佢馬上就應承。你唔好以為Jodi行動不便,但佢真的非常喜歡唱歌,會不時同朋友到街上busking表演唱歌,我都從佢身上得到好大啟發,喺佢嘅經歷睇到佢嘅不放棄、不斷咁奮鬥,充滿正能量。」
坐著輪椅的Jodi,在台上亦謙虛地說︰「我驚自己唱得唔好,希望自己唔好喊,你哋會唔會畀啲鼓勵我呀?」台下即時掌聲如雷。Sammi亦大爆Jodi是廚藝高手,由她口述指導、監製配方的花椒辣椒油超級好味,Sammi稱︰「希望有一日可以推出市面發售,可唔可以整多十罐畀我?」Jodi即時大方答應。
願大家抱住「半杯水」
甄子丹前晚亦現身捧場,更與Sammi在後台大鬥老鼠仔。
Jodi亦憶述在一次慈善探訪活動上巧遇Sammi,並獲對方為她祈禱,她說︰「當時Sammi踎喺我前面,對手放喺我雙手上面,期間我喊到又眼淚又鼻水,好怕整到Sammi啲頭髮,喺好擔心嘅時候,突然感受到有手按住喺我頭上,心諗明明Sammi對手喺我手上,佢有第三隻手?後來睇相,當時無手喺我頭上,係Sammi嘅禱告令我感到主耶穌的臨在。」之後她便獨唱一曲親自創作的《WhyMe》,事後她表示︰「希望大家抱住『半杯水』想法,珍惜擁有,找回自己的beautiful day。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇