【晴報專訊】鄭秀文（Sammi）前晚舉行紅館尾場，邀得老友古天樂（古仔）做壓軸表演嘉賓。Sammi以「叱咤樂壇最受歡迎男歌手」介紹古仔出場，令全場歡呼及報以熱烈掌聲。Sammi坦言若不請古仔，個唱便不能收科，古仔亦畀足面在台上獨唱《男朋友》。

古仔一出場大受歡迎，Sammi笑指對方猶如「踩場」。

　　鄭秀文前晚與古天樂手拖手繞場一周，Sammi說︰「其實我成日都請古天樂做嘉賓，你知唔知無你做嘉賓，就好似大便無廁紙咁，收唔到科。」古仔即搞笑說︰「你今晚大完便啦，得啦，圓滿結束啦！」Sammi起哄要古仔唱歌，又取笑說何解觀眾會喜歡不懂唱歌的人獻唱，古仔即說︰「我唔識唱，唱得唔好啲觀眾會原諒我呀嘛！」Sammi到後台換衫時，古仔即取笑她褲子太短，Sammi反駁說︰「古天樂好保守㗎！」古仔隨後獨留台上獻唱《男朋友》。另外，韓國男團GOT7成員王嘉爾（Jackson）前晚亦擔任嘉賓，二人合唱一曲《Creo en Mi》。

Sammi表示除了腰側圖案及手腕上的紅線是真紋身外，其他都是假紋身。

　　及後，Sammi唱出新歌《我們都是這樣長大的》，唱到尾段時更眼紅紅落淚，又感謝觀眾說︰「多謝你哋送咗咁美麗嘅晚上畀我，呢13晚好難忘。」Encore時，Sammi並沒唱出最後一首歌《螢光粉紅》，反而邀請所有工作人員上台拍照，又脫下身上的粉紅tee送給觀眾。完場後，不少歌迷狂叫encore近十分鐘，才離開場館。完騷後，Sammi邊做訪問，邊食薯片及飲香檳，她笑說︰「好開心，感覺如釋重負，最重要嘅事做好咗，自己滿意度好高。」

王嘉爾與Sammi首度公開合唱，甚有新鮮感。

　　她坦言上次開演唱會時失聲，今次能保持最佳狀態，她笑言是一雪前恥︰「公司仲問我加唔加場，佢哋好有信心賣到飛，但係我無信心做到，我47歲喇，真係要休息！」

提許志安即遊花園

許志安前晚現身撐Sammi。

　　Sammi表示最想去旅行充電，問她會否與老公許志安同行？她聞言即遊花園︰「我同啲friend去，一大班朋友去。」問到為何安仔每晚都只留在後台？她說︰「講第二啲嘢啦。（沒有唱《唯獨你是不可取替》？）我大把歌唱，會成日轉歌嘛。」提到她在台上曾表示「痛過之後，你們的愛情將會變成世界之最」，她解釋說︰「呢啲對白嚟，我cue緊歌，唔使對號入座。」