02/08/2019
曾經爛面一年 泳兒:自信心跌落谷底
【晴報專訊】泳兒昨日出席護膚品活動,現在皮膚白滑的她原來一年前因壓力問題,飽受「爛面」困擾,加上男朋友天生皮膚好,泳兒笑言當時不想站在男友身邊:「真係好想打佢!」
泳兒現時回復白滑肌膚,令她重拾自信。
泳兒昨日穿上吊帶裙出席活動時,獲品牌老闆娘大讚皮膚靚,令她相當雀躍。泳兒坦言很想代言護膚品,因本身皮膚敏感,加上花了一年時間才醫好「爛面」,現在對護膚已有一定心得及研究,很想跟大家分享。
無借錢畀Steven
提到一年前的爛面經過,泳兒表示受壓力及家事等原因影響所致。她說:「當時我好唔開心,覺得自己好核突,自信心跌到落谷底,除咗工作根本唔願出街。」她狂呻男友皮膚靚,令她更覺自卑:「男朋友想安慰我,但令我更加受傷害,當時眼同面都腫晒。」她表示曾因皮膚問題戒口,但愈戒愈瘦,更被公司懷疑她有厭食症,要做身體檢查。
泳兒認同護膚非常重要,提到她臉形小有優勢,她笑言從小臉部經常水腫,入行後注重護膚及通淋巴,才回復小臉:「不過新加坡嘅老師同舊同學都質疑我係咪整容,其實只係通淋巴。」
另外,談到張致恒(Steven)與未婚妻日前終於露面,疑似辦理結婚手續,泳兒說︰「始終到咗人生另一階段,係值得開心嘅事,我會恭喜佢,但都希望未來日子,負面嘅事能離開佢,家庭美滿、小朋友快高長大。」她表示過去沒有借過錢給Steven。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇