05/08/2019
自認包拗頸 羅家英唔肯向汪阿姐認錯
【晴報專訊】羅家英與男團MIRROR成員呂爵安(Edan)昨日出席ViuTV新節目《臺灣文西Only You》記者會,二人在台上玩撩妹情景遊戲,家英哥扮作向女觀眾認錯時,突然跪地求饒,令全場譁然,最後成功擊敗小鮮肉Edan,果然薑愈老愈辣。
呂爵安大爆羅家英在節目中不慎被台灣女生用膠棍扑頭。
羅家英及呂爵安昨日在記招上大談拍攝《臺灣文西Only You》的趣事,這一老一少在節目中一邊走訪台灣,一邊「攞正牌」結識台妹,看看誰追女仔更叻。二人昨日與現場女觀眾大玩遊戲,出盡追女仔絕招大鬥法,最後家英哥憑一招跪地認錯冧爆女觀眾,勝出撩妹比賽。
呂爵安與羅家英穿上台灣原住民服飾拍攝。(IG圖片)
問二人喜歡港女抑或台妹?家英哥賣口乖說︰「梗係香港女仔好啦,精明、能幹、爽快、漂亮、夠惡。」Edan亦同意港女較好。家英哥自爆在節目中要打台妹屁股,又要求Edan脫去上衣與當地女生合照,他笑說︰「我都鍾意Edan肉體,我都想撫摸下。」
訪問時,Edan解釋家英哥在節目中要打台灣美女屁股,全因該女生做錯事要受罰,家英哥聞言說︰「其實唔應該打pat pat,打手板好啲,不過打pat pat滑稽啲有話題。」問家英哥平日在家多數打屁股抑或跪地?他搞笑說︰「我被人打咋,不過無試過跪,拍戲就會,但真實唔會嘅。如果平時真係激嬲佢(太太汪明荃),我死唔認錯、拗頸囉。阿姐最講道理,我咪同佢講道理囉,做錯嘢都有做錯嘢嘅道理㗎嘛,唔認錯,最多唔出聲。」家英哥即場分享有兩大相處絕招︰「少見面,少傾偈,過下冷河,咁仲好啲㗎。」
Edan露點演出
羅家英忽然向女觀眾下跪認錯,相當玩得。
汪阿姐日前被拍得單拖睇醫生,問家英哥為何不陪太太?他笑說︰「我睇醫生佢有時都唔陪我啦,我睇得多過佢。」他又揚言邀請阿姐欣賞他的新節目︰「叫佢學下嘢啦,佢做嘅《娛樂大家》好受歡迎,我叫佢睇下我哋點做,不過可能無佢咁多觀眾,佢個台好多觀眾㗎。」至於Edan在節目中要露點演出,他笑說︰「知道要浸溫泉其實都預咗,但無諗到影相都要露,有啲愕然,但都接受到。」他自言從家英哥身上學識大膽追女仔︰「我由好怕醜變做小怕醜。」
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情