• |
  • 極速報價
  • |
  • 會員
  • 產品服務 / 串流版
  • 設定

19/08/2019

為祖兒做個唱嘉賓 霆鋒自爆入紙紅館2年食白果

  • 加入最愛專欄
  • 收藏文章

  【晴報專訊】容祖兒前晚舉行第13場紅館個唱,邀得同門師兄謝霆鋒任表演嘉賓,祖兒自言早已視霆鋒為家人,當霆鋒提到想開個唱多時,可惜仍然未獲紅館檔期,祖兒即為霆鋒打氣。

 

謝霆鋒前晚特地從外地返港,為容祖兒擔任嘉賓。

 

  容祖兒前晚介紹謝霆鋒出場前,先獻唱對方名曲《玉蝴蝶》,又笑說︰「如果張敬軒係靚仔,佢(霆鋒)係超級靚仔,人平時好chok,但係佢有一顆溫柔嘅心,因為我見證過!」祖兒表示已很久不見霆鋒,以為對方在北京,又語帶相關問他「dry唔dry」,令霆鋒相當尷尬。祖兒表示霆鋒一口答應做嘉賓,霆鋒聞言說︰「大家都知唔止我一個,全行仲有好多人都會撑容祖兒,因為佢係一個抵撑嘅人!」

 

容祖兒本周繼續開騷唱到24日。

 

  祖兒笑言聽完霆鋒一席話相當感動,又搞笑地引用霆鋒女友王菲的歌︰「你成功時我戥你開心,我成功時你戥我開心,歌都有得唱,《你快樂,所以我快樂》!」霆鋒即時行開。另外,霆鋒在台上坦言想開紅館個唱︰「話時話,我想同呢個空間講,紅館呢個空間呀,我入咗紙兩年,一次又一次被推翻,再推我就唔開啦。」祖兒即安撫說︰「無論等到邊一日,今年又好,下年又好,總之大家都會等你啦,係咪?」觀眾即報以歡呼聲和應。接着二人一邊合唱《阿門》,一邊與觀眾握手,祖兒更不停同觀眾講︰「霆鋒係咪好靚仔,不老的傳說呀,食咗防腐劑呀。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生