【晴報專訊】容祖兒《Pretty Crazy演唱會》前晚演出第16場，踏入倒數階段，「大會星級調音師」兼好友張敬軒終於登場，軒仔台上一番言論，搞到祖兒又喊又笑，祖兒為了報答對方每晚無條件照顧，承諾將來軒仔搵不到女朋友就做代母幫他生仔。

祖兒感激軒仔連續多晚在後台支持。

　　祖兒和軒仔交情匪淺，還說對軒仔的大恩大德沒齒難忘。軒仔又從袋中抽出一張卡，稱這是後台一班同事一齊簽名送給祖兒的小禮物，他說︰「大家知唔知，喺佢呢副瘦削身驅、咁大條裙嘅背後，佢身上幾多傷？無人睇到，我有幸可以睇到。」之後又取笑祖兒太瘦，他甚麼也看不到。

火龍果姐踩場

軒仔以火龍果裝現身，high爆全場。

　　及後軒仔表示︰「大家留意下，佢剩係對腳範圍，每日貼膠布着高跟鞋演出，佢皮外傷、內傷……今日開騷前仲去針灸同睇骨科。我喺台底十幾晚，每晚都覺得容祖兒係值得所有最好嘅嘢喺佢身上發生。」他又爆祖兒凌晨完騷時喉嚨還插住六枝針，就是為了保證第二晚有一個最好狀態見大家。

　　祖兒感動流淚，軒仔送上擁抱慰問及支持。為了報答軒仔，祖兒說︰「如果你將來識唔到女朋友，需要一個人，我可以做代母，喺泰國捐精，哈哈！」軒仔欲拒好意，祖兒扮嬲，他立刻補鑊︰「你啲基因好好，我覺得珍惜呢世做朋友嘅緣份就夠㗎喇。」然後兩人合唱《櫻花樹下》，唱完觀眾不捨得讓軒仔離開，不停叫安歌。接着軒仔換上一件有火龍果圖案的紅白色外套，他說︰「大家知不知我嚟做咩，踩場呀！」火龍果姐上身的他更叫觀眾在櫈底找火龍果，抽到火龍果的觀眾相當興奮。