• |
  • 極速報價
  • |
  • 會員
  • 產品服務 / 串流版
  • 設定

05/09/2019

Kenny月中開個唱 張敬軒自薦做調音師

  • 加入最愛專欄
  • 收藏文章

  【晴報專訊】張敬軒、倪晨曦(Elva)昨日出席銀行流動理財廣告發布會,兩人早前首次合作拍廣告,擦出火花。他們在活動上更互送高帽,軒仔稱有留意Elva經常po靚相,而她則大讚軒仔的貼文有趣又過癮。

 

軒仔直認媽媽關心他何時傳宗接代。

 

  張敬軒表示要宣布一件「人生大事」,11月22至24日將聯同香港中樂團在紅館開騷,他笑言︰「呢個就係容祖兒口中嘅『吹啲打』騷,可惜中樂團檔期有限,唔能夠加場,因為綵排都要一個月時間。」

 

關智斌

 

  軒仔自嘲最近成為了「演唱會之友」,因早前擔任祖兒演唱會的御用調音師,本月中亦將為好友關智斌(Kenny)首個紅館個唱做嘉賓,笑問他會否在後台幫Kenny換衫?軒仔即謂︰「佢有手有腳,自己嚟喇!我變咗公司嘅調音部,做演唱會調音,只需輕輕力微調,唔使大力。之前都做過上門調音服務,幫朋友屋企的卡拉OK房set咪。」

 

催祖兒結婚生B

 

  提到祖兒與王菀之的已婚叔仔Gavin So傳緋聞,軒仔表示未有親身求證,笑指如果有日一齊食飯同枱多個人、多雙筷就自然會明白。軒仔續稱︰「其實我同祖兒都過咗適婚年齡,我都替佢心急,因為佢好鍾意小朋友,咁就要快啲生喇。(你自己唔心急?)祖兒話幫我做代母,代購就話啫,喺香港搵代母係唔合法,所以唔會考慮。」

 

倪晨曦早前接受圈外男友求婚,預計明年二月舉行婚禮。

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生