【晴報專訊】已是兩女之父的天王郭富城（城城），每次提到囡囡都難掩幸福笑容。城城昨日出席活動時，自爆因遲了為細女「二寶」Charlotte領取出世紙，所以罰款幾百元，認真大頭蝦。

郭富城表示若情況許可，他會盡量帶同妻女到外地工作。

　　郭富城昨日出席保險公司活動，今次他為大會拍攝了五條生活化的廣告片，以簡單生活介紹着重健康的主題。城城自言十分注重健康，認為工作以外都要享受生活，例如他早前帶妻女齊齊去台灣開騷，他表示只要不影響工作，將來也會與家人同行。

　　提到兩個寶貝女，城城即父愛氾濫，興奮透露五個月大的「二寶」Charlotte已懂得轉身，眼仔碌碌相當可愛：「佢係個肥妹，腳仔好似米芝蓮咁，不過我梗係唔捨得咬落去。」問到大女Chantelle是否愛惜妹妹？城城笑說：「家姐好錫妹妹呀，會摸下二寶個額頭錫佢，我好安慰！」提到日前他被發現與太太方媛為細女辦理出世紙，他坦言過了42日限期才去領取：「之前我都好忙，但我係一家之主，做父母嘅當然要親自去，所以預約好就去辦理，罰咗幾百蚊，都好平，不過真係遲咗就要罰錢嘅，唔可以抵賴。」

《麥路人》入圍東京電影節

楊千嬅、萬梓良及郭富城主演的《麥路人》，未上映已備受關注。

　　另外，城城主演的電影《麥路人》入圍東京國際電影節「亞洲未來」單元，獲高度評價並將在當地舉行全球首映，城城表示收到消息非常開心，他記得接拍電影前，正在康城影展宣傳其他電影，《麥》片監製特意拿劇本到康城給他看，令他非常感興趣。城城指電影談及香港貧富懸殊及住屋問題，他身為香港演員，也希望出一分力，所以決定無論監製開任何條件，他都必定答應演出。