• |
  • 極速報價
  • |
  • 會員
  • 產品服務 / 串流版
  • 設定

17/10/2019

與女神周慧敏合唱 張彥博緊張爆手汗

  • 加入最愛專欄
  • 收藏文章

  【晴報專訊】張彥博前晚在旺角麥花臣場館舉行第二次個人演唱會,除了好兄弟何廣沛、羅天宇和郭子豪擔任表演嘉賓外,張彥博更夢想成真,邀得兒時女神周慧敏現身合唱,他更化身小粉絲,乘機向女神攞簽名。

 

張彥博大曬健碩身材,他特別感激家人為他準備清淡飲食。

 

  張彥博前晚舉行《More張彥博music 2019》演唱會,得到圈中好友陳瀅、鄭世豪、陳庭欣及陳明恩等捧場。阿博一出場即大曬辛苦得來的麒麟臂、胸肌及腹肌,他笑說︰「我盡咗力,呢身腹肌係餓返嚟㗎!」

 

張彥博希望將來為周慧敏寫歌。

 

  阿博走在鋼琴前說︰「以前幻想同我女神一齊練琴,今晚(前晚)終於實現。」接着表演嘉賓周慧敏(Vivian)出場,二人手拖手合唱《情未了》,阿博更乘機取出珍藏的Yes!Card向女神索取簽名及合照。阿博尷尬向Vivian說︰「拖到你隻手濕晒。」Vivian笑答︰「手汗ok嘅,有歌手比你嚴重十倍,啲汗滴水咁,所以你唔使緊張,放心出汗。」似取笑老友古巨基,Vivian即補充說︰「我無講邊個呀。」

 

「跳躍F4」唱《Baby Shark》

 

(左起)羅天宇、張彥博、郭子豪及何廣沛以「中華英雄」look表演。

 

  及後,阿博與「跳躍F4」好兄弟又跳又唱,大唱《霍元甲》、兒歌《Baby Shark》等,全場氣氛熱烈。到個唱尾聲時,阿博更一度感觸落淚。阿博騷後受訪時,表示為了個唱戒口幾個月︰「由有飯食變到無飯食感覺好慘,前一晚終於可食到第一啖飯,真係喊出嚟!依家好想食嘢,不過腹肌仲要keep,因為要拍幾個MV。」提到邀得Vivian做嘉賓,阿博開心說︰「無諗過可以合作,所以見到佢好緊張,多謝佢身體唔舒服都嚟,話唔定將來寫歌畀佢。」他又多謝「跳躍F4」︰「因為我跳舞太差,佢哋遷就我,練咗兩星期先上台表演。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生