【晴報專訊】余德丞、汪明荃前晚與嘉賓薛家燕、陳煒及姜皓文等錄影遊戲節目《娛樂大家》，余德丞自爆等了兩個月，終於等到蔡思貝請他吃生日飯，但她卻求其order送上他最憎的芝士蛋糕，兩人經常鬥氣，非常搞笑。

余德丞將會客串《使徒行者3》，飾演馬國明的年輕版。

　　九月初生日的余德丞，一直未獲緋聞女友蔡思貝請食生日飯，直至最近才有機會一齊打邊爐，他苦笑謂︰「其實過咗生日差唔多兩個月，呢餐飯終於食到，佢話請我食飯，我聽到都好驚訝。」當晚兩人「撑枱腳」打邊爐，沒有用公筷，感覺好sweet，不過思貝無乜準備，只是即場在餐廳點了一個芝士蛋榚，他笑笑口表示：「嬲呀，我最憎芝士（蛋糕），聞到芝士都唔得。」結果，思貝要獨吞整個蛋糕。

蔡思貝

　　余德丞笑指蔡思貝「無心」，相識多年從沒為他準備生日蛋糕，反而他試過為對方準備慶生節目。余德丞更大爆思貝喜歡「放飛機」︰「之前約咗佢睇謝安琪演唱會，佢話嚟又唔嚟，但係突然間又出現。我同記者講我單拖，幾驚畀人話我講大話！」

家燕姐怕攞「老人牌」

（左起）余德丞、姜皓文、蔡潔、汪明荃、薛家燕及陳煒前晚錄影《娛樂大家》。

　　薛家燕透露最近到星馬登台及領獎，她笑說︰「呢種年紀都係拎嗰啲獎啦，不過攞終身成就獎好似叫我退休咁，有啲怕。其實50幾歲時，曾獲外國頒獎禮頒發終身成就獎，當時我拒絕咗，大會轉頒畀其他人。」笑問她到星馬可有順道為女兒招婿？家燕姐表示︰「異地戀？得㗎！我講我個女呀，佢經常叫我唔好擔心，但我有時約朋友，想佢一齊食飯見下面，點知佢怕醜唔肯去。」

　　此外，陳煒已有半年沒拍劇，她笑言十分「身痕」，要去敲監製房門搲撈。問她與醫生男友可有結婚計劃？煒哥續稱︰「結婚唔係一個人話事，男友都未求婚。（你已接受再婚？）都好嘅，有個伴好重要。」