06/11/2019
著10年前舊衫去首映 張家輝呼籲環保︰藝人跟住做
【晴報專訊】張家輝、蘇麗珊及張兆輝前晚出席新片《催眠.裁決》首映禮,家輝穿上十年前湖水藍色西裝現身,除了證明自己身形十年如一日外,亦呼籲一眾藝人齊齊着舊衫,身體力行支持環保。
張家輝與蘇麗珊演催眠戲大呼過癮。
張家輝前晚穿上舊衫現身,他笑說︰「支持環保吖嘛,呼籲藝人可以咁做,當年我着過呢套衫出席電台頒獎禮嘅,我好多衫都有keep起㗎,通常會襯其他衫再着。好似古仔(古天樂)都唔會掉衫,但需要好多地方去保存。我keep得最耐嘅衫係好多年前去康城着嘅踢死兔,不過設計好怪雞,所以無再着啦!」家輝更幽默表示,當年在無綫時期,曾為香港設計師品牌行天橋,所以跟時裝絕對有關係。問他可有興趣演設計師?他說︰「當然有,未演過嘅角色我都有興趣。」
提到家輝在戲中飾演催眠師,會催眠陪審員蘇麗珊,蘇麗珊表示為了表現更逼真,她在拍攝前,特地找真正的催眠師練習幫助入戲。家輝聞言即對她說︰「你自己一個?唔好一個呀!後生女亂咁嚟!」家輝自爆在現實中經常被女兒「催眠」︰「個女都係叫我做下奴隸,幫佢揼下骨咁。」有否催眠太太關詠荷?他搞笑說︰「唔催眠佢,佢點會嫁畀我呀!」
張兆輝減片酬支持新導演
張兆輝在新片中動作戲不多,但難度十足。
至於在戲中飾演「老差骨」的張兆輝,他自言有兩場戲難度甚高,其中一場是在水池中產生幻覺的動作獨腳戲;另一場則是在停車場內拍攝的爆炸戲,他被攝影機環繞360度拍攝,幸好正式埋位是一take完成。提到今次與三位新導演合作,他自言有酌量減片酬支持對方︰「我覺得佢哋好有熱誠,套戲用咗六年時間籌備同拍攝,開頭擔心三位導演會諗法不一,但原來佢哋好一致,精益求精。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇