• |
  • 極速報價
  • |
  • 會員
  • 產品服務 / 串流版
  • 設定

11/11/2019

何雁詩貼相放閃 鄭俊弘生日開口恨結婚

  • 加入最愛專欄
  • 收藏文章

  【晴報專訊】鄭俊弘(Fred)昨日36歲生日,獲200多名粉絲為他在九龍灣舉行生日派對,場面熱鬧;前晚Fred在寓所親自下廚與友人慶生,女友何雁詩(Stephanie)不但以女主人身份招呼朋友,事後更在社交網貼相向Fred高呼「我愛你」,大放閃光彈。

 

鄭俊弘獲贈其Q版公仔造型生日蛋糕。

 

  昨日生日派對上,適逢也是鄭俊弘媽媽的農曆生日,於是兩母子在台上齊齊切蛋糕,Fred在徇眾要求下向母親獻吻,十分溫馨。提到Fred在生日前夕,邀請一班朋友到他家中慶祝生日,問到女友何雁詩是否以女主人身份到場?Fred笑說︰「係呀,佢負責招呼我啲朋友,我就負責煎牛扒,大家都玩得好開心。」

 

生仔有心有力

 

鄭俊弘與媽媽、唱片公司老闆何哲圖及200多名粉絲慶祝生日。

 

  Fred透露昨晚邀請舊同學和家人一起食飯慶祝,認真忙碌。問女友送甚麼生日禮物給他?Fred表示︰「佢無送嘢畀我,係我叫佢唔好送,唔緊要啦,佢生日我都無送禮物畀佢,其實我哋兩個好簡單,只要食餐飯已經好開心。」

 

何雁詩前晚攬實賀男友生日,十分甜蜜。(IG圖片)

 

  提到生日願望,Fred表示︰「除咗最基本嘅身體健康、工作順利,亦會繼續做好自己嘅工作。(包括人生大事?)都希望40歲前可以結婚,但未知幾時,都係將來嘅事。(叫Stephanie雪卵?)唔使,佢仲咁後生,可能雪我嗰啲(精子)緊要啲,不過我keep住做運動就可以。」至於Stephanie前晚與Fred慶祝完生日後,即上載多張合照上社交網,其中一張她更作狀用腳踢男友,並留言表示︰「35+1我愛你#followme」認真閃到爆。

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生