• |
  • 極速報價
  • |
  • 會員
  • 產品服務 / 串流版
  • 設定

14/11/2019

為賈思樂獻聲 戚美珍獲三哥封「天涯歌女」

  • 加入最愛專欄
  • 收藏文章

  【晴報專訊】賈思樂(Louie)前晚在文化中心舉行《賈思樂Me & My Girls演唱會2019 Part 2》頭場,在圈中廣結人緣的他,除邀得戚美珍(三嫂)及毛舜筠做嘉賓,好友陳法蓉(Monica)與李司棋亦上台助陣,場面熱鬧。不過主辦單位昨日宣布,目前社會氣氛環境不能預測的因素及交通情況,決定取消昨晚的尾場演出,Louie亦有拍片致歉。

 

賈思樂終圓夢開騷,與戚美珍落力演出。

 

  賈思樂前晚與戚美珍在台上邊唱邊跳《Venus》,三嫂又獨唱日文歌《To Love Somebody》及《雨絲情愁》,令觀眾十分驚喜,苗僑偉(三哥)更坐足全場支持三嫂。三嫂演出後在後台受訪,謙稱只是硬住頭皮去唱歌,但獲三哥大讚︰「表演好好,我喺台下有嗌encore,唔係你點可以唱足幾首呀!」

 

戚美珍與苗僑偉向來恩愛,明年便踏入結婚30周年。

 

 

  三嫂自爆天天在家霸住廁所練歌,又笑說︰「我唱歌夠氣係做咗阿媽練番嚟,生兩個更加夠氣。」在旁的三哥提議太太做歌星,三嫂坦言想了幾十年,可惜一直無人邀請她。三哥更突然大爆三嫂花名叫「天涯歌女」︰「三嫂一唱K就咪不離手,乜歌都唱,英文、日文、廣東話、國語,但唱極都係舊歌,因為個人舊。每次朋友聚會有冷場,就會叫佢上台唱歌搞下氣氛。」

 

陳法蓉否認同張晉不和

 

陳法蓉表示會留港見證蔡少芬生B。

 

  至於陳法蓉及李司棋則在台上大爆與Louie的趣事,陳法蓉自言與Louie相識超過20年,經常相約去旅行︰「Louie叫我上台破壞佢形象,佢好多烏龍嘢,去旅行成日去錯集合地點。」另外,提到好姊妹蔡少芬(Ada)正陀第三胎,陳法蓉主動澄清跟蔡少芬老公張晉無不和︰「我哋關係好好,我見證張晉追Ada、求婚同結婚每次都在場,佢兩個女出世都有喺醫院,今次Ada生第三胎,都會留時間喺香港陪佢。」她透露已知Ada胎兒性別,但會保持神秘。而李司棋笑言爆料有難度︰「Louie好乖,個人又有禮貌,係陽光大男孩,唯一缺點係太靚仔!」

 

轉載自: 晴報

全城注視!銀行定存比較神器,助你搵到最佳息率!► 立即了解

我要回應

放大顯示
風水蔣知識

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ