• |
  • 極速報價
  • |
  • 會員
  • 產品服務 / 串流版
  • 設定

10/12/2019

《兄弟幫》散band 阿Bob︰完成歷史任務

  • 加入最愛專欄
  • 收藏文章

  【晴報專訊】由林盛斌(Bob)、范振鋒及王梓軒等主持的J2節目《兄弟幫》,不經不覺已做了十個年頭,昨日在將軍澳電視城錄影最後一集,大家都有點依依不捨。陳國峰宣布太太懷第二胎,即為現場添上一點喜悅氣氛。

 

梁競徽(左)與Bob透過節目建立了兄弟情。

 

  阿Bob、王梓軒、陳國峰及梁競徽等昨日錄影《兄弟幫》最後一集,將於明年1月3日播出,節目便正式告一段落。面對突如其來的消息,Bob稱︰「節目都經歷咗十年、拍攝超過2,500集,雖然大家都好唔捨得,但總算完成歷史任務。最重要識到一班好兄弟,又令到好多觀眾認識我,亦有唔同嘅監製、綜藝同戲劇工作搵我!」至於為何不繼續做下去?Bob解釋一個節目做了十年,已經非常難得,即使繼續做,也總有完結的一天,這個時候告別也非壞事。

 

  梁競徽表示可以讓大家停一停,各走自己的路,往後或會再以另一形式再聚。問到會否多拍劇集?他說︰「啱啱客串完《使徒行者3》,劇入面有同林峯重逢嘅場口。(佢有無請你去飲喜酒?)有啊!之前煞科宴咪有食飯囉,因為佢要離開香港嘛!」提到「峯嫂」張馨月,梁競徽直言已不是第一次見︰「我呢啲入室兄弟,見過(張馨月)好多次。」

 

陳國峰老婆再懷孕

 

陳國峰再做爸爸要努力搵奶粉錢。

 

  「巨聲幫」出身的陳國峰兩年前做爸爸,日前剛度過37歲生日,他昨日宣布太太黃思雅懷第二胎,今胎繼續是男B,不過國峰表示兩個夠晒數,無意再追小公主。他說︰「太太依家佗咗四個幾月,係計劃之內,我哋都不設防,不過兩個夠晒數,唔使追女,我哋都鍾意仔,依家努力搵奶粉錢,接多啲工作!」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生