• |
  • 極速報價
  • |
  • 會員
  • 產品服務 / 串流版
  • 設定

15/01/2020

效力12年 田蕊妮宣布離開無綫

  • 加入最愛專欄
  • 收藏文章

  【晴報專訊】視后田蕊妮(阿田)早前盛傳因網上言論被無綫「雪藏」,日前她更缺席台慶頒獎禮,惹來離巢揣測。昨日阿田在電視城錄影新春節目時,承認將與無綫結束賓主關係,但強調彼此關係良好。

 

田蕊妮希望離巢後迎接更多新挑戰。

 

  田蕊妮、李佳芯(Ali)、蕭正楠及汪明荃等昨日錄影新春節目《保良愛心慶新春》,近半年經常外遊的阿田日前才返港,她透露將於農曆年初四與老公杜汶澤去印尼朝聖。提到她缺席台慶頒獎禮,她解釋當時不在港:「不過我即將離開TVB,仲有個幾月(約滿)。唔使咁可惜,呢個係自然定律,原來我喺無綫已經12年,仲長過同亞視合作,無可否認TVB係一個好好嘅平台,不過自己仲想有進步空間。」

 

  問阿田會否不捨得?她說:「呢個世界係圓嘅,去到其他地方都有機會合作,大家喺出面都仲會見到我,或者喺外面都有機會見到一班舊同事。」她希望離巢後可以嘗試更多不同事物,為自己帶來新衝擊和挑戰。有傳她簽約古天樂?她只表示:「我無回應。(裸辭?)我有着衫㗎,其實都有啲計劃,落實咗先講。」她又謂不會與無綫改簽部頭約:「因為我個人唔鍾意留後路。」她亦否認離巢與其政治言論有關。

 

李佳芯感愕然

 

李佳芯大讚阿田是一位好對手及好前輩。

 

  同場的Ali對阿田離巢感愕然,她表示彼此曾在《誇世代》合作,坦言十分不捨:「阿田份人好nice,又肯分享自己嘅演戲經驗,呢種朋友、同事已經好少有。」至於蕭正楠表示將來或可用另一種形式與阿田合作:「佢又唔係息影,一定會見嘅,所以唔太可惜。」

 

蕭正楠曾與阿田合作《巨輪》系列。

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生