【晴報專訊】何基佑（Kay）主持的節目《超級奶爸》為不少家庭解決養育子女的難題，正所謂「家家有本難唸的經」，每個家庭面對的問題都不一樣，Kay直言自己讀畢家長及幼兒教育課程之外，在節目中面對不同的個案，也讓他獲益良多。原來Kay和太太鍾凱瑩（車仔）都有着不一樣的童年，現在他們已結婚九年，育有一子一女，兩個活潑可愛的小朋友正是四歲兒子何清義和一歲的何珊娜。

　　車仔從小缺乏家人照顧，爸爸童年時發高燒導致失聰，所以若小朋友發燒，家人會特別緊張，車仔憶述當年發高燒的回憶，她說︰「我三年級就已經住兒童之家，長時間沒有同父母一齊相處。有一次我發高燒，補習姐姐送我去醫院，媽媽到醫院的第一句說話是問要畀幾多錢住院費……呢句說話令我好深刻，記到依家。其實依家我做了媽媽，見到自己個仔唔舒服，我都想佢快些好，寧願病嗰個係我，但點都唔會諗到這些說話。」

原諒媽媽過失

一家四口格仔裝，好可愛。

　　她直言現時跟兒子相處，感受到他的滿足感和自信心跟自己童年有所不同，她說︰「慶幸我生仔之前，已經放下同原諒阿媽對我細個時的傷害，否則好可能影響埋我嘅下一代。依家聽到個仔問我︰『點解媽媽咁愛我嘅？』呢個簡直係無價。」

囡囡何珊娜是Kay的心肝寶貝。

　　Kay年輕時由外國回流返港生活「無王管」，當時未定性亂識女仔，他形容︰「當時用錯嘅方法去搵滿足感同愛，後來發現愈來愈唔開心；組織家庭同生育小朋友之後，縱然責任超大，但你得到的幸福同滿足是不能言喻的。」Kay能夠抱得美人歸，除了因為他改掉過往的陋習外，還學懂花時間與車仔相處、包容對方和互相坦承一切。

　　車仔認為夫妻關係與子女關係密不可分，當夫妻關係好，小朋友自己有滿足感，所以她跟Kay每月最少抽一次時間拍拖過二人世界，令兩人關係保鮮。

　　上一代父母打鬧子女是少不免，現今世代的家長總是鼓勵以教育代替打鬧，Kay說︰「打鬧仔女好容易做，效果亦好快，不過唔健康。」車仔說打鬧不能夠直接令錯事改過，部分小朋友會怕被打而傾向想辦法不要被發現犯錯。

教育代替打鬧

　　Kay說︰「家長共通點都係想教好小朋友，只係搵唔到健康、有效又容易執行的方法。同小朋友唔一致係每個父母都會經歷的，無論現時的社會事件、大學揀科、搵工、揀配偶等等，父母總會認為小朋友仲細個，但其實唔可以永遠捉住小朋友隻手去行。有兩件事要畀小朋友知道，屋企大門永遠為你打開，同埋你做任何事，屋企人都一定支持你，我哋都會永遠愛你。」