• |
  • 極速報價
  • |
  • 會員
  • 產品服務 / 串流版
  • 設定

18/02/2020

講錯香港為沙士源頭再道歉 陸浩明爆喊︰兩晚瞓唔著

  • 加入最愛專欄
  • 收藏文章

  【晴報專訊】陸浩明(6號)日前在節目《#後生仔傾吓偈》中,因講錯「香港係(沙士)病毒嘅源頭」,遭網民圍攻。6號昨日在電視城為事件公開道歉,又為此事令媽媽擔心而激動落淚。

 

陸浩明昨日向公眾道歉時,忍不住落淚。

 

  陸浩明昨日在將軍澳電視城錄影《娛樂大家10點半》,他受訪時特意就說錯話公開向觀眾道歉︰「我當日喺節目中係有疏忽同唔小心嘅地方,講咗錯誤嘅資訊,及後雖然我有講到病源係來自廣州嘅一位教授,但係糾正得唔夠清晰同明確,又無解釋番『源頭並非香港』,所以引起大家誤會。」

 

向醫護人員致謝

 

陸浩明在節目中講錯資訊,幸拍檔馮盈盈(右)及時糾正。

 

  6號自言本想表達「香港是沙士病毒大型爆發的地點」︰「無奈我喺節目講錯,有口誤,如果牽動大家情緒,有不開心或傷感嘅感覺,我向大家深深致歉同講對唔住。」他承諾日後處理節目內容會更審慎小心︰「我同《#後生仔》一眾工作人員,都想向03年沙士、以及依家為香港抗疫嘅醫護人員講聲多謝,佢哋保護香港市民,希望疫情盡快完結。」

 

  提到受事件困擾,6號忍不住哽咽落淚說︰「兩晚都瞓唔着,不過唔緊要,反而係令媽咪好擔心,我同媽咪講做藝人預咗要處理呢啲新聞,叫佢唔使擔心。所以我最唔開心唔係網友嘅批評,而係令屋企人擔心。」他表示明白觀眾的批評,他亦向廣告客戶致歉︰「唔開心一定會有,但無奈自己糾正得唔好,身為公眾人物要面對呢個責任。」

 

轉載自: 晴報

etnet財經 ‧ 生活App獨家「銀行匯率比較」功能 立即下載 iOS/Android

我要回應

  • 生活副刊
  • DIVA
  • 健康好人生