【晴報專訊】馮允謙（Jay）加盟寰亞音樂，上個月推出新碟《DETOUR》成績不俗，前日已返公司籌備下一張唱片。適逢當日是Jay的生日，經理人林珊珊特別為他準備蛋糕，偕一班同事送上驚喜生日會。

馮允謙自認為食，喜歡食甜品和蛋糕。

　　馮允謙前日剛度過32歲生日，雖然要在工作中慶生，但同事們都好識做，為他舉行神秘派對。當Jay踏入會議室一刻，見到開會的同事比平日多，赫然發現枱上放有大大的生日蛋糕及寫滿祝福語句的生日咭，同事都知道他看不懂中文，更特別畫上滿滿的心心以表心意。由於新冠肺炎疫情持續擴散，大家都戴上口罩，今次亦成為了Jay人生第一次的口罩生日會，吹蠟燭時亦特別以掌風配合來成事。

幾忙都一家人慶生

Jay返公司開會，同事為他驚喜賀壽。

　　Jay開心表示：「好多謝大家咁細心畀我一個驚喜，雖然係生日，但好開心可以同大家一齊開會，傾我今年嘅新計劃，今日一齊聽我嘅demo，然後揀今年第一首製作嘅歌。」他又透露，家人每一年都會在剛踏入凌晨十二時正，為他獻上一個生日蛋糕。Jay續稱︰「佢哋每年都唔會事先講，因為每年都會做，所以唔係一個好大嘅驚喜，但對我嚟講就好sweet。因為無論佢哋幾忙，都會抽時間陪我一齊過，所以我好感恩。」

　　提到生日願望，Jay直言：「希望今年可以出多啲好歌，同埋多啲live表演唱歌畀大家聽。」