06/05/2020
呂慧儀獲張景淳獻花 《愛•回家》得一人夠膽起哄
【晴報專訊】無綫處境劇《愛.回家之開心速遞》演員呂慧儀、張景淳、滕麗名及湯盈盈等,昨日出席預祝母親節活動,回歸劇組的「風少」陳浚霆反串扮媽媽,場面搞笑。呂慧儀與張景淳的緋聞傳足多時,不過眾人有默契地不起哄,似乎想低調處理。
呂慧儀與張景淳望緋聞告一段落。
一眾演員昨日在台上玩得高興,除了陳浚霆、袁文傑及李偉健反串外,大會又安排劇中情侶獻花。當張景淳向緋聞女友呂慧儀獻花時,身旁湯盈盈即起哄大叫,叫二人靠近一點,但其他演員卻似乎有默契,沒有叫埋一份,似乎想將「龔水」緋聞低調一點。事後呂慧儀笑說︰「佢哋的確好錫我,同埋佢哋怕撩起我,因為知我玩起上嚟好癲,唔係人咁品。」
湯盈盈笑言限聚令放寬至八人,可以全家外出慶祝。
身為人母的呂慧儀,笑言已收到兒子所送的母親節禮物︰「阿仔整咗個橙色小袋仔畀我,佢命令我一定要帶埋返工做手機袋,其實只要佢乖同聽話,我已經好開心。」至於湯盈盈,則希望收到兩個囡囡為她四手按摩做禮物︰「細女識得幫我按頸,到時老公(錢嘉樂)負責餵我食提子,等我享受下做皇帝。」
陳浚霆獲媽咪顧紀筠捧場
陳浚霆(中)反串扮女人,造型最誇張搞笑。
同場的陳浚霆相隔三年回歸劇組,他笑言媽咪顧紀筠十分捧場︰「我第一集出場嗰陣,咁啱媽咪喺B哥哥(鍾鎮濤)屋企,仲唔客氣咁開咗人哋個電視,逼人哋一齊睇。」他表示因簽約邵氏,樂易玲問他有沒有興趣再拍《愛.回家》,才機緣巧合重返劇組。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇