【晴報專訊】吳君如昨日出席疫苗學堂的「回到校園大搜查破解HPV謎團」大行動，呼籲家長為下一代接種疫苗預防子宮頸癌。她表示在疫情期間，跟女兒陳是知相處的日子多了，但笑指女兒進入青春期「把口好密」，溝通時要從旁引導。

君如去年上載與女兒陳是知的慶生照片，母女情深。

　　吳君如女兒陳是知已經14歲，問到是否開始對性知識充滿好奇？君如說女兒已注射HPV疫苗，她亦會盡量加以講解，並表示︰「個女間學校一直都有教嘅，不過佢唔知咩叫cancer，我成日都會同佢講解性方面嘅知識，又會強制告誡佢唔可以嘗試，一定要發育完成先可以做呢啲行為。」

新片上映受阻

君如鼓勵家長為子女接種HPV疫苗。

　　問到君如女兒開始發展puppy love？君如反應頗大︰「唔得囉！其實有啲嘢都好難控制，佢有自己嘅社交網，不過我會相信佢。（囡囡識主動向你傾訴？）唔會啦，依家啲少女乜都收埋，我同老公喺屋企只係做『道具』，等佢自己有時肯講畀我哋知，佢鍾意睇美劇、愛情片同埋超級英雄片，全部我都唔鍾意睇，我同老公都只係投其所好，有時就會趁機會從旁引導囉。」

君如昨日與小朋友出席疫苗學堂活動。

　　自新冠肺炎疫情爆發以來，君如一家三口從外地度假回港後，已完成自我隔離14天，其後亦盡量減少外出。君如說︰「個囡今日（昨日）返學，但佢話完全唔似返學嘅心情，可能呢幾個月已慣咗喺屋企，不過今次疫情令一家人團結咗，有朋友喺英國同美國返嚟都中招，所以大家做足防疫措施。」記者笑問一家人拗撬是否增多？君如續稱︰「好好彩，始終你幾愛一個人，都唔可能24小時對住，咁我哋惟有遷就啦，我得閒會畫畫同彈琴，依家幾乎日日親自下廚，整肉餅仲有海南雞飯，同埋會教個囡玩啤牌、猜枚同打牌。」

　　此外，君如監製的新片《媽媽的神奇小子》原定今年七月趁日本東京奧運前上映，她在戲中扮演蘇樺偉的母親。無奈因疫情關係，她表示剪片及後期工作已暫停，奧運亦已延期一年，惟有待疫情完結後才安排上映。