• |
  • 極速報價
  • |
  • 會員
  • 產品服務 / 串流版
  • 設定

28/05/2020

美國賣5蚊美金一卷 薛家燕寄廁紙畀囡囡應急

  • 加入最愛專欄
  • 收藏文章

  【晴報專訊】薛家燕前晚在將軍澳電視城錄影音樂節目《流行經典50年》,原來家燕姐大女石祐珊目前身在美國,家燕姐指美國防疫物資短缺,一卷廁紙要索價五美元(約39港元),所以連忙寄兩條廁紙到美國給囡囡應急。

 

薛家燕以低胸打扮亮相,她笑言已為人母才敢性感示人。

 

  薛家燕前晚以低胸裝現身,她搞笑稱一身打扮在歐洲很流行:「後生嗰陣唔夠膽着,因為阿媽睇住,不過依家我都做咗人哋阿媽啦。」她透露大女石祐珊目前與王梓軒身在美國工作:「佢哋二月已經去咗美國,希望下月尾返嚟。珊珊初時戴口罩出街,啲人會覺得佢哋好奇怪,依家就人人都戴。」家燕姐表示當地的防疫物資相當短缺:「嗰邊唔夠口罩,一卷廁紙賣緊五蚊美金呀,所以我寄咗兩大條廁紙同口罩過去。」

 

(左起)王梓軒與經理人石祐珊在美國工作,計劃下月返港。

 

  家燕姐表示隔日與女兒通電話,她叮囑女兒與王梓軒互相照應:「佢哋依家一星期先出去買一次日用品,之前佢哋住嘅地方附近有爆炸,要臨時封鎖,佢哋差啲無家可歸。」她又指女兒更試過遺失銀包,幸好失而復得:「因為疫情之下好少人出街,佢返轉頭竟然搵得番(銀包)。」

 

惋惜賭王逝世

 

一眾藝人盛裝參加《流行經典50年》錄影。

 

  另外,提到賭王何鴻燊前日離世,家燕姐表示十分難過:「何生係一位大慈善家,熱心公益,又風趣幽默。我同四太(梁安琪)比較熟啲,其實何生已經好叻,撐咗幾年,但年紀大都無辦法。不過屋企人咁錫佢,相信佢應該走得舒服,希望佢屋企人節哀順變,遲啲先慰問四太。」

 

轉載自: 晴報

etnet財經 ‧ 生活App獨家「銀行匯率比較」功能 立即下載 iOS/Android

我要回應

  • 生活副刊
  • DIVA
  • 健康好人生