【晴報專訊】昨日有報道爆出在電影及廣告經常男扮女裝的周星馳愛將「如花」李健仁，去年在深圳焗桑拿期間暈倒，其後中風半身癱瘓。昨午《晴報》聯絡到其好友田啟文（田雞），他指現時盡力組織好友探望對方︰「佢好想見舊朋友，見完都積極啲！」

（微博圖片）

　　59歲的李健仁在影圈打滾接近30年，代表作包括周星馳（星爺）的《國產凌凌漆》、《九品芝麻官》等，以男扮女裝的丑角聞名，近年他主力在內地拍攝網絡電影。不過，昨晨有傳媒驚爆他去年在深圳焗桑拿期間暈倒，送往醫院急救後證實中風，右邊身不得動，其後回港接受治療，現時在家休養。

　　本報昨午致電聯絡到田雞，證實李健仁是去年九月出事︰「當時佢喺深圳做手術後，返回香港接受復康程序，安排佢回港入住政府醫院，之後無生命危險就轉咗去療養院。」他又說︰「我上次見佢係去年尾係香港嘅療養院！之後佢已經返家，佢精神無問題！」田雞又稱︰「佢講嘢我哋都要估估下。我比較例外，佢認得我，叫到我個名，我哋啲舊記憶佢仲記得！（星爺知道？）佢一早知，出事後我第一時間通知！」

家人欲低調怕騷擾

李健仁（右二）去年二月到紅館睇鄭中基個唱，當時狀態甚佳。（FB圖片）

　　田雞又透露，李健仁的家人欲將事件低調處理︰「出事後有人同我講，我先至知，我打畀佢（李健仁）又無人聽，之後Whatsapp問佢做咩唔通知我，佢家人問咗佢意願先代回覆，知道佢嘅實際情況！」田雞透露好友欲見影圈舊友，自己亦盡力通知友人往探望李健仁，之後亦見他反應積極。

李健仁在電影《唐伯虎點秋香》中反串扮女賊。（網上截圖）

　　談及李健仁近況，田雞回應︰「始終出事後已經近一年，之前問過佢家人都話唔想公開，怕被騷擾、追訪，影響佢嘅康復進度，我一直都組織及通知朋友去探佢，不過撞正疫情啫！（他的內地工作？）無晒！（今年微博多次出Po？）佢舊經理人公司幫佢搞，宣傳之前拍落嘅作品！」他又表示每日也與李健仁的家人聯絡，了解李健仁的身體狀況。至於網友亦祝福「如花」早日康復；期望他努力撐過去。