【晴報專訊】無綫劇集《殺手》愈播愈有戲味，繼黎耀祥、龔嘉欣爆出後，李佳芯（Ali）與陳豪的一對亦獲觀眾受落，該劇首周收視更達29.2點，昨午《晴報》聯絡到監製陳維冠，他亦讚揚Ali成功畀到觀眾新鮮感︰「佢以前演專業人士較多，我就係想試新嘢，Ali做到100分！」

　　無綫昨日公布七天跨平台總收視，雖然《殺手》的劇情天馬行空較漫畫化，但首周頭五集錄得平均29.2點，成績冠絕三線劇集。

陳豪與李佳芯在劇中發展出感情，其後他更會英雄救美。（網上截圖）

　　該劇現已踏入第三周，前晚第11集中，Cash媽（韓瑪莉）擔心女兒幸福，偷偷安排相睇飯局，Cash（李佳芯）被母親介紹一個年長阿伯，令她質疑自己條件不濟，之後更走到蘭桂坊買醉尋真愛，剛巧遇上Zero（陳豪），兩人在誤打誤撞下發生一夜情。一向是女神的Ali在《殺手》不再賣靚樣演律師、醫生等專業人士，反而化身精靈又有點傻更更的慳家師奶仔，盡見其可塑性，可算為其相隔一年的復出之作打響頭炮。

健康比收視重要

李佳芯將會由師奶仔搖身一變成為專業殺手。

　　談到收視報捷，監製陳維冠回應︰「劇集反應唔錯，團隊都好開心！（疫情再爆發，有望再推高收視？）依個唔係我希望，健康比收視重要，我寧願疫情快啲過去，因為影響社會好大！」他又說︰「其實我早兩年已經準備拍《殺手》，不過因為要拍50周年台慶劇《誇世代》，完咗之後才開《殺手》！」

　　提到Ali演活劇中的師奶仔Cash，她與陳豪繼《誇》劇的情侶檔後亦再吸正評，陳維冠表示︰「我籌備《殺手》時已預咗佢兩個，Ali以前多演專業人士，我想演員做一啲自己未演過嘅類型，發掘更多可能性，畀觀眾新鮮感，Ali做到100分！」他並稱︰「好似高海寧過往係性感女神形象，依家佢拍我齣《七公主》都剪短頭髮做男人婆！」

　　至於網民方面，不少人稱讚Ali與陳豪夠合拍；亦指Ali演繹自然又搞笑。