• |
  • 極速報價
  • |
  • 會員
  • 產品服務 / 串流版
  • 設定

07/08/2020

劇集一部接一部 高海寧唔怕觀眾睇到膩

  • 加入最愛專欄
  • 收藏文章

  【晴報專訊】最近兩綫劇都有高海寧(高Ling)的出現,除了擔任女主角的《迷網》,當《殺手》明晚播畢後,下周緊接推出的新劇《反黑路人甲》都有她的演出。高Ling認為幾套劇集的角色不同,觀眾應該不會混淆。

 

高Ling希望劇集能帶挈她多賺外快。

 

  劇集《迷網》昨日在將軍澳電視城舉行「對付騙徒」宣傳活動,高Ling表示近排做了很多訪問,單是置裝費都花了二萬多元,她說︰「最近買咗十幾套衫影相,希望套劇出街之後,多啲人搵我做嘢幫補下啦。」身旁的楊明沒有這方面的煩惱,他笑言:「每次出席宣傳活動,公司都要求我着劇入面嘅衫配合角色,所以我都慳咗好多!」

 

媽咪都追劇

 

入行多年的容天佑,近期憑《迷網》中的網上騙子角色成功上位。

 

  提到下星期有新劇《反黑路人甲》推出,而《迷網》仍在播映中,問高Ling可擔心觀眾開始對她生厭?她表示︰「應該唔會嘅,始終三套劇嘅角色性格都唔同,演繹方式亦唔一樣。至於會唔會睇到厭,其實我都唔擔心,始終我有一年多無劇推出喇。(屋企人見你咁旺有咩反應?)雖然我唔係同屋企人住,但媽咪都講笑話依家睇電視就見到我,我知道佢其實好開心,因為我有好多劇播緊。」

 

楊明與高Ling玩爆汽球遊戲,玩到七情上面。

 

  提到《迷網》日前播出的情節,講述飾演高Ling老公的黃祥興出軌,被高Ling識破,令兩人的感情關係出現暗湧。高Ling續稱︰「我晚晚都有睇,我覺得自己個角色好可憐,始終每個女人都唔想見到老公有外遇,呢啲事對一個女人嚟講打擊好大。」楊明卻抵死補充說︰「其實呢啲事對男人嘅打擊都好大,明明偷食但畀老婆發現。」高Ling笑言劇中的角色比較慘,希望現實中得到上天眷顧。

轉載自: 晴報

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

我要回應

  • 生活副刊
  • DIVA
  • 健康好人生