【晴報專訊】金像影帝太保與金馬影后吳家麗，昨日出席ViuTV新劇《無限斜棟有限公司》開鏡拜神。首次拍港劇的太保在劇中單元飾演思念亡妻的深情男人；而另一單元中，吳家麗的角色則相當破格，背夫出軌與外傭玩「She She戀」，甚考演技。

太保及吳家麗兩位影帝影后，將向劇中一眾新演員示範演技。

　　太保、吳家麗、MIRROR成員陳卓賢（Ian）、沈殷怡（Shirley）、盧慧敏及葉童等，昨日參與ViuTV新劇《無限斜棟有限公司》開鏡。劇集分多個單元故事，飾演大廈業主的太保，為圓太太生前心願，竟帶太太屍體重回40年前求婚的戲院看電影，但他強調︰「劇情係無恐怖成分，只係想表達對亡妻嘅情感。」

（左三起）新人黃定謙、盧慧敏及陳卓賢，難得與演技派前輩合作。

　　提到與劇中一班新演員合作，可有向他們傳授演戲心得？太保笑言會提醒新演員要「執生」及努力︰「畀啲後生睇下前輩，要識得點樣謙虛同尊師重道。好似午馬係我師父，我好尊重佢，有咁嘅概念先會成功。」飾演人妻的吳家麗則與外傭談情，劇情大膽：「劇中我同老公係愛情同感情，新嘅人（外傭）就畀到刺激我，係一個好大嘅抉擇。（同女演員拍親熱戲更難？）太白嘅演繹方式唔難，反而眼神同內心戲先最有挑戰。」

沈殷怡收埋性感

沈殷怡笑言在劇中以家居Look示人。

　　同場的新人沈殷怡及陳卓賢等，亦有突破演出。不時性感示人的Shirley，飾演一個叛逆瘋癲的女子：「可能我黐線會好睇呢？我個角色着T恤、睡褲、拖鞋，形象好頹廢。」她笑言最可惜角色沒感情線：「其實我想搵個哨牙男仔同我演對手戲，因為我有少少哨牙，如果對方係哨牙，會顯得我無咁哨！」至於飾演偵探的Ian，將向拍檔盧慧敏獻出熒幕初吻，他竟表示寧願咀男仔：「可能我讀男校，如果同黃定謙錫錫，反而無咁尷尬。」