• |
  • 極速報價
  • |
  • 會員
  • 產品服務 / 串流版
  • 設定

14/09/2020

激咀王浩信回響大 張振朗考慮續集試HeHe床戲

  • 加入最愛專欄
  • 收藏文章

  【晴報專訊】張振朗、馮盈盈及蔣家旻等昨日宣傳劇集《反黑路人甲》,劇中振朗與王浩信的車廂咀嘴戲成為熱話,振朗笑言獲男粉絲提出咀嘴要求,又表示若《反黑》拍續集,可能跟王浩信挑戰床戲才夠話題。

 

張振朗意想不到觀眾喜歡他與王浩信的接吻戲。

 

  張振朗在《反黑路人甲》中,為幫助王浩信脫離黑幫,刻意在車廂拍攝男男親吻照,振朗更主動激吻王浩信。振朗表示這場戲共拍了兩日:「主要係我忍唔到笑,場戲我做主動,因為覺得由我錫落去效果會大啲,但拍嗰陣每個shot都忍唔到笑,之後仲要補拍大頭。不過好開心觀眾睇得好投入,瘋狂cap圖同tag我。」

 

  振朗透露激吻戲出街後,收到不少特別「要求」:「好多男fans話想同我試下咀嘴!」至於錫男生或女生哪樣感覺較好?他說:「講真,同浩信錫錫壓力無咁大,因為知道一定唔會有乜嘢發生,大家好相信大家。」他透露劇中跟賴慰玲的感情發展會有少少峰迴路轉,問他會否想拍續集?他笑說:「都想㗎,不過我同浩信仲可以做啲乜呢,唔通我哋拍床戲?」

 

馮盈盈恨錫蔣家旻厚唇

 

馮盈盈(右)大讚蔣家旻夠迷人。

 

  同場的馮盈盈,提到振朗和浩信的HeHe劇情受歡迎,問她可接受演繹同性戀角色?盈盈說:「都係可行嘅發展,我未挑戰過呢類角色。(想同邊個拍同性咀戲?)梗係蔣家旻!因為有評語話我豐厚嘴唇好性感,但除咗我之外,蔣家旻嘅厚唇都係佢嘅signature(標記),等大家睇下有共同特質嘅女仔會有咩化學作用,諗起都覺得性感。」盈盈自言女校出身,以前跟感情要好的同學也會錫面:「如果真係要kiss都唔抗拒。」

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ