【晴報專訊】馬德鐘和兒子馬在驤首次父子檔拍劇，兩人昨日在電視城為新劇《我家無難事》試造型。馬在驤在劇中飾演爸爸馬德鐘年輕版，所以不會有同場戲。拍劇仍屬初哥的馬在驤成為傳媒焦點，他笑言演戲感覺得意︰「難在要演90年代初，我嗰時仲未出世。」

馬德鐘樂意跟兒子馬在驤以父子檔合作。

　　馬德鐘表示監製王心慰提議找他的兒子演年輕版，結果一拍即合，兩父子可以一齊研究角色，甚至配合一些小動作。以往做慣型男的馬德鐘，在新劇飾演模特兒，但他自爆角色只是「懶有型」，其實是「鱷魚頭老襯底」及經常自以為是，因此鬧出不少笑料。

　　馬在驤首次拍攝TVB劇集，他老實說因為疫情影響，暫時不用返回澳洲復課，故有時間接受挑戰。雖然兩父子沒有機會同場，但他認為有好有唔好，好處是不會令自己太緊張，但爸爸在場就可作出一些提點。至於要睇中文劇本，馬在驤坦言︰「唔得都要得，唔識就請教爸爸。」馬德鐘則表示若跟兒子在同一場景，有時間便留下畀意見，不過目前仍在趕拍劇集《飛虎之壯志英雄》，時間方面比較緊絀。

監製叫楊明唔好揸車

監製王心慰

　　涉嫌醉駕獲准保釋的楊明昨日缺席活動，監製王心慰指他有工作在身，早前已安排試造型，並強調沒有刪剪他的戲份。楊明在劇中飾演馬德鐘胞弟，是一名設計師，跟黃嘉樂有一段疑似「HeHe情」。

監製強調楊明沒有遭刪減新劇戲份。

　　提到楊明的交通意外案件仍未結束，之後會否出席劇集宣傳活動？王心慰即大派定心丸表示︰「會，我比較樂觀，一般交通意外case要排好耐，我計過時間，三個月後都應該拍完。（可擔心網民唔like？）我唔會猜測有幾多人鍾意唔鍾意，選角純粹以演員角度去考慮，效果係點我唔知。」會否要求楊明開工時檢點？王心慰打趣謂︰「我會叫佢唔好揸車，為咗我，為咗套劇，請司機啦！」