【晴報專訊】音樂劇《我們的青春日誌》受疫情影響，早前取消了數十場演出，音樂劇導演陳恩碩宣布更改形式，將於本月27日舉行網上直播《仲on緊line抗疫音樂會》，並邀請鄭丹瑞（阿旦）、陳潔靈及Ben Sir等演出，陳潔靈苦笑謂：「好耐冇工開！」

陳潔靈希望疫情盡快過去，各行各業回復正常。

　　鄭丹瑞、陳潔靈及陳恩碩昨日在柴灣出席記者會，提到疫情持續多月，很多舞台演出受影響，是次抗疫音樂會希望為音樂劇班底及劇場工作者紓困，並為香港人打氣。陳潔靈將在音樂會中演繹一首新歌，她表示︰「約三個星期前收到阿旦電話，佢一講個騷嘅性質，我就一口答應，因為要練熟一首新歌唱Live，時間上有啲緊迫。不過，呢個疫情係全球問題，尤其娛樂事業停手就停口，連自己都停工，希望做啲嘢能夠守望相助。」

　　陳潔靈自爆對上一次演出，已是今年一月跟倫永亮在東莞開騷，問她在疫情下損失多少收入？她說︰「其實呢個時候大家都好無奈，原定八月再開演唱會，依家已經一直押後，要計損失幾多？我都唔敢去諗，惟有當叉電，畀自己學習、沉澱一下，其實人生都有好多嘢應該要珍惜嘅，要令自己身心平和。」

籌備《小男人》音樂劇

陳恩碩（左）感激伯樂鄭丹瑞（中）為抗疫騷花了不少心力。

　　阿旦將在抗疫音樂會開金口唱歌，他透露四年前認識陳恩碩，大讚對方第一套音樂劇已很精采，還介紹對方為林子祥製作音樂會，笑言兩人似「兩爺孫」。提到有意創作《小男人週記》音樂劇，阿旦解釋︰「因為廣播劇、電視、電影、書籍、舞台劇等都做勻晒，如果做埋音樂劇就完美。」他又謂已把《小男人》的故事交給陳恩碩，結果對方不夠一星期已寫了五首歌，希望明年能夠開得成騷。