24/09/2020
拍《熟女強人》咀吳千語 傅穎:我當自己係男人
【晴報專訊】吳千語及傅穎(Theresa)昨日宣傳ViuTV新劇《熟女強人》,二人在劇中拍「SheShe」咀戲,她們均認為錫女仔反而不會尷尬。除千語外,傅穎在劇中更與栢天男及張沛樂(沙律)有多場親熱戲,男女通殺。
(左起)沈卓盈、陸詩韻、孫佳君及吳家麗等,在劇中演繹女人之苦。
吳千語、傅穎、沈卓盈及陸詩韻等,昨日宣傳下周一首播的新劇《熟女強人》。提到劇中的同性咀戲,千語透露由傅穎做主動,又大爆原本只是蜻蜓點水式接吻,但被導演要求「錫耐啲」。千語說:「可能導演係男人想睇耐啲,後尾都錫咗三、四次,Theresa個嘴好軟又好細。」她們笑言現實中都試過親吻女生:「錫女仔成日都有,仲會影相,真係唔會尷尬,反而錫男仔先尷尬。」
千語否認明年結婚
吳千語(左)與傅穎十分享受拍同性咀戲,更互讚對方好錫。
傅穎指在劇中要營造保護千語的感覺:「拍嗰陣當咗自己係男人,依家見到千語都會變得好man。」除了千語,傅穎更會與栢天男咀嘴:「我仲會同沙律(張沛樂)攬攬。不過梗係千語好錫啦,栢天男啲鬚根好拮。」問千語會否叫富貴男友施伯雄欣賞她的咀戲?千語說:「我會叫晒身邊朋友去睇。」有傳千語明年結婚,她否認說:「假嘅,無考慮呢件事,依家啲人30幾歲先結,我仲有幾年。」
轉載自: 晴報
全新etnet健康網購,送你【健骨維他命D3(1000IU)】乙樽(價值$108)► 立即行動!
我要回應